ಸರ್ಜಾಪುರ ಸಮೀಪ ಬುದ್ಧ ಕೇಂದ್ರ ಸ್ಥಾಪನೆ; 'ಬುದ್ಧನ ಅಷ್ಟಾಂಗ ಮಾರ್ಗ'ದ ಮೇಲೆ ಗಮನ

ಸರ್ಜಾಪುರ ಸಮೀಪ ಬಿಕ್ಕನಹಳ್ಳಿಯಲ್ಲಿ ನೂತನ ಬುದ್ಧ ವಿಹಾರ, ಬುದ್ಧ ಜಾಗೃತಿ ಮತ್ತು ಗಿಡ ನೆಡುವ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಧರ್ಮ ಚಿಂತಕ ಸುಗಥಪಾಲ್‌ ಬಂತೇಜಿ ಅವರು, 'ಬುದ್ಧನ ಅಷ್ಟಾಂಗ ಮಾರ್ಗ ಪ್ರತಿಯೊಬ್ಬರೂ ಅನುಸರಿಸಬೇಕು. ನಮಗೆ ನಾವೇ ದೀಪ ಎಂಬಂತೆ ಜೀವನವನ್ನು ಉಜ್ವಲಗೊಳಿಸಿಕೊಳ್ಳಬೇಕು. ನಮ್ಮ ಅಭಿವೃದ್ಧಿಗೆ ನಾವೇ ಕಾರಣರು' ಎಂಬ ಸಂದೇಶ ನೀಡಿದರು. ಸಮ ಸಮಾಜದ ನಿರ್ಮಾಣಕ್ಕೆ ಕೊಡುಗೆ ನೀಡಬೇಕು ಎಂದೂ ಅವರು ಕರೆ ನೀಡಿದರು.