ನಾಗಮಾರಪಳ್ಳಿ ಸಹಕಾರ ಆಸ್ಪತ್ರೆಯ ವಾರ್ಷಿಕ ಮಹಾಸಭೆ ಬೀದರ್‌ನಲ್ಲಿ ನಡೆಯಿತು

ಗುರುಪಾದಪ್ಪ ನಾಗಮಾರ ಪಳ್ಳಿ ಸಹಕಾರ ಆಸ್ಪತ್ರೆಯ ವಾರ್ಷಿಕ ಮಹಾಸಭೆ ಬೀದರ್‌ನಲ್ಲಿ ನಡೆಯಿತು. ಆಸ್ಪತ್ರೆ ಅಧ್ಯಕ್ಷ ತರುಣ್ ಸೂರ್ಯಕಾಂತ ನಾಗಮಾರಪಳ್ಳಿ ಅವರು 2025-26 ನೇ ಸಾಲಿನ ವಾರ್ಷಿಕ ವರದಿ ಮಂಡಿಸಿ, ಜನಾರೋಗ್ಯ ರಕ್ಷಣೆಗೆ ಆಸ್ಪತ್ರೆ ಶ್ರಮಿಸುತ್ತಿದೆ ಎಂದು ತಿಳಿಸಿದರು. ನಗರದ ಮಧ್ಯಭಾಗದಲ್ಲಿ ₹12 ಕೋಟಿ ವೆಚ್ಚದಲ್ಲಿ ಸುಸಜ್ಜಿತ ಆಸ್ಪತ್ರೆ ನಿರ್ಮಿಸಿ, ವೈದ್ಯಕೀಯ ಸೇವೆ ಒದಗಿಸಲಾಗುತ್ತಿದೆ. ನಗರದ ಭಾಲ್ಕಿ ರಸ್ತೆಯ ಲಾಲ್‌ಬಾಗ್ ಬಳಿ 70 ಎಕರೆ 18 ಗುಂಟೆ ಜಮೀನಿದ್ದು, ಈ ಪೈಕಿ 64 ಎಕರೆ 24 ಗುಂಟೆ ಜಮೀನಿನ ಕ್ರಯ ಪತ್ರ ಆಸ್ಪತ್ರೆ ಹೆಸರಿಗೆ ಆಗಿದೆ.