ಹೊಸಕೋಟೆಯಿಂದ ತಮಿಳುನಾಡು ಗಡಿವರೆಗಿನ 21 ಕಿ.ಮೀ ರಸ್ತೆ ಡಿಸೆಂಬರ್‌ನಲ್ಲಿ ತೆರೆಯಲು ಸಾಧ್ಯತೆ

ಹೊಸಕೋಟೆಯಿಂದ ತಮಿಳುನಾಡು ಗಡಿವರೆಗಿನ ಬಹುನಿರೀಕ್ಷಿತ 21 ಕಿ.ಮೀ ರಸ್ತೆ ಡಿಸೆಂಬರ್‌ನಿಂದಲೇ ಸಾರ್ವಜನಿಕ ಸಂಚಾರಕ್ಕೆ ಲಭ್ಯವಾಗುವ ಸಾಧ್ಯತೆಗಳಿವೆ. ಸೇತುವೆ ಕಾಮಗಾರಿ ನಡೆಯುತ್ತಿರುವ ಜಾಗದಲ್ಲಿ ಬೈಪಾಸ್ ಮತ್ತು ಡೈವರ್ಷನ್‌ಗಳನ್ನು ನೀಡಿ, ರಸ್ತೆಯ ಲಭ್ಯ ಭಾಗಗಳನ್ನು ಹಂತ-ಹಂತವಾಗಿ ಡಿಸೆಂಬರ್‌ನಿಂದಲೇ ತೆರೆಯಲು ಎನ್‌ಎಚ್‌ಎಐ ಯೋಜನೆ ರೂಪಿಸಿದೆ. ಈ ರಸ್ತೆ ಆರಂಭವಾದರೆ ಹೊಸಕೋಟೆ, ದೇವನಹಳ್ಳಿ, ದೊಡ್ಡಬಳ್ಳಾಪುರ ಮತ್ತು ತುಮಕೂರು ಕಡೆಯಿಂದ ಹೊಸೂರಿಗೆ ಪ್ರಯಾಣಿಸುವ ವಾಹನಗಳಿಗೆ, ಅದರಲ್ಲೂ ಮುಖ್ಯವಾಗಿ ಸರಕು ಸಾಗಣೆ ಲಾರಿಗಳಿಗೆ ಸಿಟಿ ಟ್ರಾಫಿಕ್ ಮುಟ್ಟದೇ ನೇರವಾಗಿ ಸಾಗಲು ದೊಡ್ಡ ರಿಲೀಫ್ ಸಿಗಲಿದೆ.