ಬೆಂಗಳೂರಿನಲ್ಲಿ 25 ವಿದ್ಯಾರ್ಥಿಗಳಿಗೆ ಕಂಟೇನರ್ ಶಾಲೆ ನಿರ್ಮಾಣ; ಅಂದಾಜು ವೆಚ್ಚ 5 ಲಕ್ಷ ರೂ

ಬೆಂಗಳೂರಿನ 12ನೇ ತರಗತಿಯ ವಿದ್ಯಾರ್ಥಿ ದಿವಿತ್ ಅವರು 'ದಿ ಅನ್ ಬಾಕ್ಸ್ಡ್ ಸ್ಕೂಲ್' ಎಂಬ ವಿಶಿಷ್ಟ ಶಾಲಾ ಯೋಜನೆಯನ್ನು ರೂಪಿಸಿದ್ದಾರೆ. ಸರ್ಜಾಪುರ-ಅತ್ತಿಬೆಲೆ ರಸ್ತೆಯ ವಸತಿ ಯೋಜನೆಯಲ್ಲಿ ಈ ಶಾಲೆ ನಿರ್ಮಾಣವಾಗುತ್ತಿದೆ. ಕೇವಲ 5 ಲಕ್ಷ ರೂಪಾಯಿ ಅಂದಾಜು ವೆಚ್ಚದಲ್ಲಿ 20 ರಿಂದ 25 ಮಕ್ಕಳಿಗೆ ಶಿಕ್ಷಣ ಕಲ್ಪಿಸುವ ಈ ಕಂಟೇನರ್ ಶಾಲೆಗೆ ಅಂತಿಮವಾಗಿ ಸೌರ ಫಲಕಗಳನ್ನು ಅಳವಡಿಸಲಾಗುತ್ತದೆ.