ಮುದ್ದೇಬಿಹಾಳದಲ್ಲಿ ವೀರೇಶ್ವರ ಪುಣ್ಯಾಶ್ರಮದಲ್ಲಿ ಪುಣ್ಯಸ್ಮರಣೋತ್ಸವ

ಮುದ್ದೇಬಿಹಾಳದಲ್ಲಿ ವೀರೇಶ್ವರ ಪುಣ್ಯಾಶ್ರಮದಲ್ಲಿ 16ನೇ ಪುಣ್ಯಸ್ಮರಣೋತ್ಸವದ ಅಂಗವಾಗಿ ಮಂಗಲೋತ್ಸವ ಅ. 7ರಂದು ನಡೆಯಲಿದೆ. ಬೆಳಿಗ್ಗೆ 8 ಗಂಟೆಗೆ ಪಟ್ಟಣದ ಬನಶಂಕರಿ ದೇವಸ್ಥಾನದಿಂದ ಸಕಲ ವಾದ್ಯಮೇಳಗಳ ಮೂಲಕ ಮೆರವಣಿಗೆ ಜರುಗಲಿದೆ. ಮೆರವಣಿಗೆ ದ್ಯಾಮವ್ವನ ದೇವಸ್ಥಾನ, ಬಸವೇಶ್ವರ ವೃತ್ತ, ಅಂಬೇಡ್ಕರ್ ವೃತ್ತ ಮಾರ್ಗವಾಗಿ ಎಪಿಎಂಸಿ ಎದುರಿನ ಪುಟ್ಟರಾಜ ಗವಾಯಿಗಳ ವೃತ್ತಕ್ಕೆ ತೆರಳಿ ಪೂಜೆ ಸಲ್ಲಿಸಿ ಪುಣ್ಯಾಶ್ರಮ ತಲುಪಲಿದೆ. ಏಳು ದಿನಗಳ ಪುರಾಣ ಪ್ರವಚನ ಬುಧವಾರ ಮಂಗಲಗೊಳ್ಳಲಿದೆ.