ಜಯನಗರದ ಸುಭಾಷ್ ಚಂದ್ರ ಬೋಸ್ ಕ್ರೀಡಾ ಸಂಕೀರ್ಣಕ್ಕೆ ಆರ್. ಅಶೋಕ ಚಾಲನೆ

ಪದ್ಮನಾಭನಗರದ ಜಯನಗರ 6ನೇ ಬಡಾವಣೆಯಲ್ಲಿ, ಬಿಬಿಎಂಪಿಯ ಅನುದಾನದಲ್ಲಿ ನಿರ್ಮಿಸಲಾದ 'ಸುಭಾಷ್ ಚಂದ್ರ ಬೋಸ್ ಕ್ರೀಡಾ ಸಂಕೀರ್ಣ'ಕ್ಕೆ ಆರ್. ಅಶೋಕ ಗುರುವಾರ ಚಾಲನೆ ನೀಡಿದರು. ಮೂರು ಮಹಡಿಗಳ ಈ ಕ್ರೀಡಾ ಸಂಕೀರ್ಣದಲ್ಲಿ ಎರಡನೇ ಮಹಡಿಯಲ್ಲಿ ಸ್ಕೇಟಿಂಗ್ ಅಕಾಡೆಮಿ, ಒಂದನೇ ಮಹಡಿಯಲ್ಲಿ ಕೆಫೆಟೇರಿಯಾ, ಮತ್ತು ನೆಲಮಹಡಿಯಲ್ಲಿ ಪಿಕ್‌ಬಾಲ್, ಫುಟ್‌ಬಾಲ್ ಮತ್ತು ಬಾಕ್ಸ್ ಕ್ರಿಕೆಟ್ ಕೋರ್ಟ್‌ಗಳನ್ನು ನಿರ್ಮಿಸಲಾಗಿದೆ ಎಂದು ಅವರು ತಿಳಿಸಿದರು. ಸುಮಾರು ₹9 ಕೋಟಿ ಅನುದಾನದಲ್ಲಿ ನಿರ್ಮಿಸಲಾದ ಈ ಕ್ರೀಡಾ ಸಂಕೀರ್ಣದಲ್ಲಿ ತ್ಯಾಜ್ಯದಿಂದ ಉತ್ಪಾದಿಸುವ ವಿದ್ಯುತ್ ಅನ್ನು ಬಳಸಿಕೊಳ್ಳಲಾಗುತ್ತಿದೆ. ರಾಜ್ಯ ಮತ್ತು ರಾಷ್ಟ್ರ ಮಟ್ಟದ ಕ್ರೀಡಾಪಟುಗಳಿಗೆ ತರಬೇತಿ ನೀಡುವ ಉದ್ದೇಶದಿಂದ, ಸ್ಕೇಟಿಂಗ್ ಮತ್ತು ಪಿಕ್‌ಬಾಲ್ ತರಬೇತಿ ರಾಷ್ಟ್ರೀಯ ಮಟ್ಟದ ತರಬೇತುದಾರರಿಂದ ನೀಡಲಾಗುತ್ತದೆ.