₹1 ಲಕ್ಷ ಫೀಸ್‌ಗೆ ಪರದಾಡಿದ್ದ ಯುವಕ; ದಿನಕ್ಕೆ 17 ಗಂಟೆ ದುಡಿದು 25ನೇ ವಯಸ್ಸಿಗೇ ಕೋಟ್ಯಾಧಿಪತಿಯಾದ ಯೂಟ್ಯೂಬರ್!

ಕಾಲೇಜು ಫೀಸ್ ಕಟ್ಟಲು ಹಣವಿರಲಿಲ್ಲ ಎಂಬ ಕಷ್ಟದ ಪರಿಸ್ಥಿತಿಯಲ್ಲೂ ಗುರಿ ಬಿಟ್ಟುಕೊಡದೆ ಪ್ರಯತ್ನಿಸಿದರೆ ಹೊಸ ದಾರಿ ಸಿಗಬಹುದು ಎಂಬುದಕ್ಕೆ ಟೆಕ್ ಯೂಟ್ಯೂಬರ್ ಮನೋಜ್ ಸಾರೂ ಅವರ ಕಥೆ ಒಂದು ಉದಾಹರಣೆ. ಟೆಕ್ ಯೂಟ್ಯೂಬರ್ ಮನೋಜ್ ಸಾರೂ ಅವರು ಆನ್ ಲೈನ್‌ನಲ್ಲಿ ಹಣ ಗಳಿಸುವ ಮಾರ್ಗಗಳನ್ನು ಹುಡುಕಲು ಆರಂಭಿಸಿ, ಟೆಕ್ ಯೂಟ್ಯೂಬ್ ಚಾನೆಲ್ ಆರಂಭಿಸಿದರು. ಕಾಲೇಜು ಓದಿನ ಜೊತೆಯಲ್ಲೇ ಅವರು ದಿನಕ್ಕೆ 17-18 ಗಂಟೆಗಳವರೆಗೆ ಕೆಲಸ ಮಾಡಿ, ನಂತರ ಅವರ ಆದಾಯ ತಿಂಗಳಿಗೆ ₹30-40 ಸಾವಿರದ ಮಟ್ಟಕ್ಕೂ ತಲುಪಿತು. ಅವರ ಚಾನೆಲ್ ಒಂದು ಮಿಲಿಯನ್ ಸಬ್ ಸ್ಕ್ರೈಬರ್ ಗಳ ಮೈಲಿಗಲ್ಲನ್ನೂ ದಾಟಿ, 2022ರ ವೇಳೆಗೆ 1 ಕೋಟಿಗೂ ಹೆಚ್ಚು ಸಬ್ ಸ್ಕ್ರೈಬರ್ ಗಳಿತ್ತು ಎಂದು ವರದಿಯಾಗಿದೆ.