ಮೊಸರಿನ ಪ್ಯಾಕೆಟ್‌ನ ರಿಫಂಡ್ ಪಡೆಯಲು ಹೋಗಿ ಬೆಂಗಳೂರಿನ ಮಹಿಳೆ 98 ಸಾವಿರ ರೂ. ಕಳೆದುಕೊಂಡ ಘಟನೆ

ಬೆಂಗಳೂರಿನ ವಸಂತನಗರದ ಪ್ಯಾಲೇಸ್ ಕ್ರಾಸ್ ರಸ್ತೆಯಲ್ಲಿ ವಾಸಿಸುವ ಮಹಿಳೆ, ಬ್ಲಿಂಕಿಟ್‌ನಲ್ಲಿ ಮೊಸರಿನ ಪ್ಯಾಕೆಟ್ ಆರ್ಡರ್ ಮಾಡಿ, ರಿಫಂಡ್ ಪಡೆಯಲು ಹೋಗಿ 98 ಸಾವಿರ ರೂ. ಕಳೆದುಕೊಂಡಿದ್ದಾರೆ. ಕಸ್ಟಮರ್ ಕೇರ್ ಪ್ರತಿನಿಧಿಗಳೆಂದು ವಂಚಕರು ಸಂಪರ್ಕಿಸಿ, ವಾಟ್ಸ್ಆ್ಯಪ್ ಲಿಂಕ್ ಕಳುಹಿಸಿದ್ದರು. ಈ ಪ್ರಕ್ರಿಯೆಯನ್ನು ಅನುಸರಿಸಿದ ನಂತರ ಮಹಿಳೆಯ ಬ್ಯಾಂಕ್ ಖಾತೆಯಿಂದ 98 ಸಾವಿರ ರೂ. ಕಡಿತಗೊಂಡಿದೆ.