ಬೆಂಗಳೂರಿನ ಹೆಬ್ಬಾಳ ಕೆರೆ ಬಳಿ 12 ಮೀಟರ್ ಅಗಲದ ಹೊಸ ರಸ್ತೆಗೆ ಜನರಲ್ಲಿ ಆತಂಕ

ಬೆಂಗಳೂರಿನಲ್ಲಿ ಸಂಚಾರ ಮತ್ತು ರಸ್ತೆ ಸಂಪರ್ಕ ಜಾಲವನ್ನು ಸುಧಾರಿಸಲು ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (GBA) 12 ಮೀಟರ್ ಅಗಲದ ಹೊಸ ರಸ್ತೆಯನ್ನು ಹೆಬ್ಬಾಳ ಕೆರೆ ಬಳಿ ನಿರ್ಮಿಸಲು ಪ್ರಸ್ತಾವನೆ ಸಲ್ಲಿಸಿದೆ. ಆದರೆ, ಈ ಯೋಜನೆಯು ಕೆರೆಯ ಪರಿಸರ ಮತ್ತು ರಾಜಕಾಲುವೆಗಳ ಮೇಲೆ ತೀವ್ರ ನಕಾರಾತ್ಮಕ ಪರಿಣಾಮ ಬೀರಬಹುದು ಎಂಬ ಆತಂಕ ಸಾರ್ವಜನಿಕರಲ್ಲಿ ಮೂಡಿಬಂದಿದೆ. ಈ ರಸ್ತೆಯು ಥಣಿಸಂದ್ರ ಮತ್ತು ಹೆಬ್ಬಾಳವನ್ನು ನೇರವಾಗಿ ಸಂಪರ್ಕಿಸುವ ನಿರೀಕ್ಷೆಯಿದೆ, ಇದು ಕೊಡಿಗೇಹಳ್ಳಿ ಹಾಗೂ ವಿದ್ಯಾರಣ್ಯಪುರದ ನಿವಾಸಿಗಳಿಗೆ ಅನುಕೂಲವಾಗಲಿದೆ.