ವೀಣೆ ಮತ್ತು ವೇಣು ಅನಾದಿಕಾಲದ ದೈವಿಕ ವಾದ್ಯಗಳು ಎಂದು ಆರ್. ಗಣೇಶ್

ಭಾನುವಾರ ನಡೆದ ಬೆಂಗಳೂರು ಗಾಯನ ಸಮಾಜದ 56ನೇ ಸಂಗೀತ ಸಮ್ಮೇಳನವನ್ನು ಉದ್ಘಾಟಿಸಿ, ವೀಣೆ ಮತ್ತು ವೇಣು ಅನಾದಿಕಾಲದ ದೈವಿಕ ಸಂಗೀತ ವಾದ್ಯಗಳು ಎಂದು ಆರ್. ಗಣೇಶ್ ಹೇಳಿದರು. ವೀಣೆ ಮತ್ತು ಕೊಳಲು ವಾದನ ಗಳಿಗೆ ಪ್ರಾಮುಖ್ಯ ನೀಡುತ್ತಿರುವುದು ಸಂತೋಷದ ವಿಚಾರ ಎಂದು ಅವರು ತಿಳಿಸಿದರು. ಸಮ್ಮೇಳನದ ಸರ್ವಾಧ್ಯಕ್ಷೆ ವೀಣಾ ವಿದ್ವಾಂಸರಾದ ಗೀತಾ ರಮಾನಂದ್‌ ಮಾತನಾಡಿ, ‘ವೇದಗಳ ಕಾಲದಲ್ಲಿಯೇ ಆರಂಭವಾಗಿದ್ದ ವೀಣೆಯು ಸುಮಾರು 350 ವರ್ಷಗಳ ಹಿಂದೆ ಈಗಿನ ಸ್ವರೂಪ ಪಡೆಯಿತು’ ಎಂದು ವಿವರಿಸಿದರು. ಸಂಗೀತ ಸ್ಪರ್ಧೆಯ ವಿಜೇತರಿಗೆ ‘ಯುವ ಕಲಾರತ್ನ’ ಪ್ರಶಸ್ತಿ ನೀಡಿ ಗೌರವಿಸಲಾಯಿತು ಎಂದು ವರದಿಯಲ್ಲಿ ತಿಳಿಸಲಾಗಿದೆ.