ಟಿವಿ9 ಕನ್ನಡ ದಕ್ಷಿಣ ಭಾರತ ಮಾಧ್ಯಮ ಪ್ರಶಸ್ತಿಯಲ್ಲಿ ಬಹುಮಾನಗಳ ಮಹಾಪೂರ

ಪ್ರತಿಷ್ಠಿತ ಟಿಎನ್‌ಐಟಿ ಅಕಾಡೆಮಿ ಬೆಂಗಳೂರಿನಲ್ಲಿ ಅಕ್ಟೋಬರ್ 24 ರಂದು ದಕ್ಷಿಣ ಭಾರತ ಮಾಧ್ಯಮ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಆಯೋಜಿಸಿತ್ತು. ಈ ಕಾರ್ಯಕ್ರಮದಲ್ಲಿ ಟಿವಿ9 ಕನ್ನಡ ವಾಹಿನಿಯ ದಿಗ್ಗಜರು ಹಲವು ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಕ್ರೈಂ ವಿಭಾಗದ ಮುಖ್ಯಸ್ಥರಾದ ಹೆಚ್.ವಿ. ಕಿರಣ್ ಅವರಿಗೆ 'ಎಕ್ಸಲೆನ್ಸ್ ಇನ್ ಕ್ರೈಮ್ ಜರ್ನಲಿಸಂ' ವಿಭಾಗದಲ್ಲಿ ಪ್ರತಿಷ್ಠಿತ ಟಿಎನ್‌ಐಟಿ ಪ್ರಶಸ್ತಿ ಲಭಿಸಿದೆ. ಇದಲ್ಲದೆ, ಸುನೀಲ್ ಅವರಿಗೆ 'ಉತ್ತಮ ರಾಜಕೀಯ ವರದಿಗಾರಿಕೆ' ಪ್ರಶಸ್ತಿ, ಹಾಗೂ ಶಿವಪ್ರಸಾದ್ ಬಿ ಅವರಿಗೆ 'ಉತ್ತಮ ಅಪರಾಧ ವರದಿಗಾರ' ಪ್ರಶಸ್ತಿ ಲಭಿಸಿದೆ. ಟಿವಿ9 ನ ಹಿರಿಯ ನಿರ್ಮಾಪಕ ಹಾಗೂ ಲೇಖಕರಾದ ರವೀಂದ್ರ ಮುದ್ದಿ ಅವರಿಗೆ 'ಬೆಸ್ಟ್ ಮೀಡಿಯಾ ಮಾಸ್ಟರ್' ಪ್ರಶಸ್ತಿ ಪ್ರದಾನ ಮಾಡಲಾಗಿದೆ.