ನಿರ್ಮಾಣ ಸ್ಥಳದ ಸ್ಫೋಟ ಪ್ರಕರಣದಲ್ಲಿ ಮೂವರು ಬಂಧನ

ಬೆಂಗಳೂರಿನ ಪುಲಕೇಶಿ ನಗರದ ಜರ್ಮಿಯಾ ರಸ್ತೆಯಲ್ಲಿ ನಿರ್ಮಾಣ ಹಂತದ ಕಟ್ಟಡದಲ್ಲಿ ಸಂಭವಿಸಿದ್ದ ಸ್ಫೋಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ. ಅಕ್ಟೋಬರ್ 20ರಂದು ನಿರ್ಮಾಣ ಹಂತದ ಕಟ್ಟಡದ ನಾಲ್ಕನೇ ಮಹಡಿಯಲ್ಲಿ ಸ್ಫೋಟ ಸಂಭವಿಸಿತ್ತು. ದ್ವೇಷ ಮತ್ತು ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಕಾವಲುಗಾರನ ಹತ್ಯೆ ಯತ್ನ ನಡೆದಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ. ತಾಂತ್ರಿಕ ಸಾಕ್ಷ್ಯಗಳ ಆಧಾರದ ಮೇಲೆ ಜಾಹಿದುಲ್‌ ಹುಸೇನ್‌ ಬರ್ಬುಯಾ (27), ಸಾಜಿದುಲ್‌ ಇಸ್ಲಾಂ ಲಸ್ಕರ್‌ (22) ಮತ್ತು ಬುರ್ಹಾನ್‌ ಅಹ್ಮದ್‌ ಬರ್ಬುಯಾ (20) ಎಂಬುವರನ್ನು ಬಂಧಿಸಲಾಗಿದೆ.