ಬೆಂಗಳೂರಿನ ಶಿಕ್ಷಕರಿಗೆ ವೇತನ ತಾರತಮ್ಯ ನಿವಾರಣೆಗೆ ವಿಶೇಷ ಸಮಿತಿ ಏಳು ಶಿಫಾರಸುಗಳನ್ನು ಮಾಡಿದೆ

ಪ್ರಾಥಮಿಕ ಮತ್ತು ಪ್ರೌಢಶಾಲಾ (ಪಿಯು ಕಾಲೇಜುಗಳಿಗೆ) ಶಿಕ್ಷಕರಿಗೆ ವೇತನ ತಾರತಮ್ಯ ನಿವಾರಣೆಗೆ ವಿಧಾನಪರಿಷತ್ತಿನ ವಿಶೇಷ ಸದನ ಸಮಿತಿ ಏಳು ಶಿಫಾರಸುಗಳನ್ನು ಮಾಡಿದೆ. ಶಿಕ್ಷಕರು ಮತ್ತು ಉಪನ್ಯಾಸಕರ ಕಾಲಬದ್ಧ ವೇತನ ಬಡ್ತಿ ಸಮಸ್ಯೆಗಳ ಕುರಿತು ಅಧ್ಯಯನ ನಡೆಸಲು ರಚಿಸಲಾಗಿದ್ದ ಸಮಿತಿಯ ಮಧ್ಯಂತರ ವರದಿಯನ್ನು ಸಮಿತಿಯ ಅಧ್ಯಕ್ಷ ಪುಟ್ಟಣ್ಣ ಮಂಗಳವಾರ ಸದನದಲ್ಲಿ ಮಂಡಿಸಿದರು. ಈ ಶಿಫಾರಸುಗಳನ್ನು 45 ದಿನಗಳ ಒಳಗೆ ಜಾರಿಗೊಳಿಸಿ, ಕೈಗೊಂಡ ಕ್ರಮಗಳ ಕುರಿತು ಅನುಪಾಲನಾ ವರದಿಯನ್ನು ಶಾಲಾ ಶಿಕ್ಷಣ ಇಲಾಖೆಯು ಸಲ್ಲಿಸಬೇಕು ಎಂದು ಸೂಚಿಸಲಾಗಿದೆ.