ಬೆಂಗಳೂರಿನ 4 ಕ್ಷೇತ್ರಗಳಿಗೆ ‘ಹೊಸ ಕಸ ವಿಲೇವಾರಿ ಸೂತ್ರ’: ವಾಹನಗಳಿಗೆ GPS ಕಡ್ಡಾಯ, ಗಾಡಿ ಓಡದಿದ್ದರೆ ಬಿಲ್ ಕಟ್

ಗ್ರೇಟರ್ ಬೆಂಗಳೂರು ಪ್ರಾಧಿಕಾರ (GBA) ಹೊಸ ಟೆಂಡರ್ ಅಡಿಯಲ್ಲಿ ಕಸ ವಿಲೇವಾರಿ ನಿಯಮಗಳನ್ನು ಜಾರಿಗೊಳಿಸುತ್ತಿದೆ. ನವೆಂಬರ್ ಅಂತ್ಯದೊಳಗೆ ಗೋವಿಂದರಾಜನಗರ, ಮಹಾಲಕ್ಷ್ಮಿ ಲೇಔಟ್, ವಿಜಯನಗರ ಮತ್ತು ಚಾಮರಾಜಪೇಟೆ ಎಂಬ ನಾಲ್ಕು ಪ್ರಮುಖ ವಾರ್ಡ್‌ಗಳಲ್ಲಿ ಈ ನಿಯಮಗಳು ಆರಂಭವಾಗಲಿವೆ. ಇದರ ಜೊತೆಗೆ, ಹೊಸ ವ್ಯವಸ್ಥೆಯು ಡಿಸೆಂಬರ್ ತಿಂಗಳಿನಿಂದ ಚಿಕ್ಕಪೇಟೆ ವಾರ್ಡ್‌ನಲ್ಲಿ ಆರಂಭಗೊಳ್ಳಲಿದೆ. ಹೊಸ ನಿಯಮದ ಪ್ರಕಾರ, ಕಸ ಸಂಗ್ರಹಣಾ ವಾಹನಗಳಿಗೆ ಜಿಪಿಎಸ್ ಕಡ್ಡಾಯವಾಗಿದ್ದು, ಜಿಪಿಎಸ್ ಡೇಟಾ ಆಧಾರದ ಮೇಲೆ ಬಿಲ್ ಪಾವತಿಸಲಾಗುತ್ತದೆ. ಜಿಪಿಎಸ್ ಇಲ್ಲದಿದ್ದರೆ ಅಥವಾ ವಾಹನ ಕಾರ್ಯನಿರ್ವಹಿಸದಿದ್ದರೆ, ಆ ದಿನದ ಬಿಲ್ ರದ್ದುಪಡಿಸಲಾಗುತ್ತದೆ ಮತ್ತು ಗುತ್ತಿಗೆದಾರರಿಗೆ ದಂಡ ವಿಧಿಸಲಾಗುತ್ತದೆ.