ಶೀಲಾ ಪೈಗೆ ‘ಛಂದ ಪುಸ್ತಕ’ ಬಹುಮಾನ

ಈ ಸಾಲಿನ ‘ಛಂದ ಪುಸ್ತಕ ಕಥಾಸಂಕಲನ ಹಸ್ತಪ್ರತಿ’ ಬಹುಮಾನಕ್ಕೆ ಶೀಲಾ ಪೈ ಅವರ ಕೃತಿ ಆಯ್ಕೆಯಾಗಿದೆ. ಬಹುಮಾನವು ₹40 ಸಾವಿರ ನಗದು ಒಳಗೊಂಡಿದೆ ಮತ್ತು ಅವರ ಪುಸ್ತಕವನ್ನು ಶೀಘ್ರದಲ್ಲೇ ಪ್ರಕಟಿಸಲಾಗುತ್ತದೆ. ಸ್ಪರ್ಧೆಯಲ್ಲಿ ಒಟ್ಟು 74 ಕಥೆಗಾರರು ಭಾಗವಹಿಸಿದ್ದರು. ಕಾದಂಬರಿಕಾರ ಗುರುಪ್ರಸಾದ ಕಾಗಿನೆಲೆ ಅವರು ಈ ಆಯ್ಕೆ ಮಾಡಿದ್ದಾರೆ. ಕೆ. ಅರವಿಂದ ಮಿತ್ರ, ಸಣ್ಣಳ್ಳಿ ಹನುಮಂತ, ವಿನುತಾ ಕೆ.ಆರ್., ಪೂರ್ಣಿಮಾ ಹೆಗಡೆ ಮತ್ತು ತೇಜೋವೃಷರ ಕತೆಗಳು ತಲಾ ₹2 ಸಾವಿರ ನಗದು ಒಳಗೊಂಡ ಮೆಚ್ಚುಗೆ ಬಹುಮಾನಕ್ಕೆ ಭಾಜನವಾಗಿವೆ.