ಬೆಂಗಳೂರಿನಲ್ಲಿ ಹೈಟೆಕ್ ಪೂಲ್ ಪಾರ್ಟಿ: ಮೂವರು ಆರೋಪಿಗಳ ಬಂಧನ

ನವೆಂಬರ್ 10 ರಂದು ಬೆಂಗಳೂರಿನ ಮಾರತಹಳ್ಳಿಯ ಯಮಲೂರು ಕರಿಯಮ್ಮನ ಅಗ್ರಹಾರ ರಸ್ತೆಯ ಖಾಸಗಿ ವಿಲ್ಲಾದಲ್ಲಿ ಸಿಸಿಬಿ ಪೊಲೀಸರು ದಾಳಿ ನಡೆಸಿ, ಮೂವರನ್ನು ಬಂಧಿಸಿದ್ದಾರೆ. ದೀಪಾವಳಿ ಹೆಸರಲ್ಲಿ ನಡೆದ ಪೂಲ್ ಪಾರ್ಟಿಯ ಸ್ಥಳದಲ್ಲಿ ಎಂಡಿಎಂಎ, ಗಾಂಜಾ ಸೇರಿದಂತೆ ಡ್ರಗ್ಸ್ ಲಭ್ಯವಿದ್ದವು. ಅರಿಹಂತ್ ಪಾಂಡೆ, ಅಭಿನವ್ ಪಾಂಡೆ ಮತ್ತು ಪಾರ್ಥ ಎಂಬ ಮೂವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. ಈ ಸಂಬಂಧ ಮಾರತಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.