ಟಿಎಪಿಸಿಎಂಎಸ್‌ನಲ್ಲಿ 498 ಮತ ರದ್ದು: ತನಿಖೆಗೆ ಒತ್ತಾಯ

ಟಿಎಪಿಸಿಎಂಎಸ್‌ನಲ್ಲಿ 498 ಷೇರುದಾರರ ಮತ ರದ್ದು: ತನಿಖೆಗೆ ಒತ್ತಾಯ

ಟಿಎಪಿಸಿಎಂಎಸ್ ಸಹಕಾರ ಸಂಘದಲ್ಲಿ 498 ಷೇರುದಾರರ ಮತಗಳನ್ನು ರದ್ದುಗೊಳಿಸಿದ್ದ ಕುರಿತು ನ್ಯಾಯಯುತ ತನಿಖೆ ನಡೆಸಲು ಷೇರುದಾರರು ಗುರುವಾರ ಬೆಂಗಳೂರಿನ ಸಹಕಾರ ಇಲಾಖೆಯ ಅಧಿಕಾರಿಗಳನ್ನು ಭೇಟಿ ಮಾಡಿ ಆಕ್ಷೇಪಣೆ ಸಲ್ಲಿಸಿದರು. ಸಂಘದ ಕಾರ್ಯದರ್ಶಿಯ ಏಕ ಪಕ್ಷೀಯ ನಿರ್ಧಾರದಡಿ ಷೇರುದಾರರಿಗೆ ಮತದಾನ ಹಕ್ಕನ್ನು ನಿರಾಕರಿಸಲಾಗಿದೆ ಎಂದು ಅವರು ಆಕ್ಷೇಪಿಸಿದರು. ವಿಚಾರಣೆ ವೇಳೆ ಷೇರುದಾರರು ಕಾರ್ಯದರ್ಶಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ, ತನಿಖೆ ನಡೆಸಿ ಕಾರ್ಯದರ್ಶಿಯನ್ನು ಅಮಾನತು ಮಾಡುವಂತೆ ಆಗ್ರಹಿಸಿದರು. ಜಯರಾಮ್ ರೆಡ್ಡಿ, ಅಭಿಲಾಷ್, ಸಾವಿತ್ರಮ್ಮ, ನಾರಾಯಣಪ್ಪ ಸೇರಿದಂತೆ ಹಲವರು ಹಾಜರಿದ್ದರು.