ಧನತ್ರಯೋದಶಿ ಅಂಗವಾಗಿ ಬೆಂಗಳೂರಿನಲ್ಲಿ 10 ರಿಂದ 12 ಟನ್ ಚಿನ್ನದ ಮಾರಾಟ

ಧನತ್ರಯೋದಶಿ ಅಂಗವಾಗಿ ಶುಕ್ರವಾರ ಅಂದಾಜು 10 ರಿಂದ 12 ಟನ್ ಚಿನ್ನದ ಮಾರಾಟ ನಡೆದಿದೆ ಎಂದು ಬೆಂಗಳೂರು ಜ್ಯುವೆಲರ್ಸ್ ಅಸೋಸಿಯೇಷನ್ ತಿಳಿಸಿದೆ. ಒಟ್ಟಾರೆ ₹15 ಸಾವಿರದಿಂದ ₹18 ಸಾವಿರ ಕೋಟಿಯಷ್ಟು ವಹಿವಾಟು ನಡೆದಿದ್ದು, ಕಳೆದ ವರ್ಷಕ್ಕೆ ಹೋಲಿಸಿದರೆ ಅಮೂಲ್ಯ ಲೋಹಗಳ ಮಾರಾಟದಲ್ಲಿ ಶೇ 10–15ರಷ್ಟು ಹೆಚ್ಚಳವಾಗಿದೆ ಎಂದು ಅಸೋಸಿಯೇಷನ್ ಅಧ್ಯಕ್ಷ ಚೇತನ್ ಕುಮಾರ್ ಮೆಹ್ತಾ ತಿಳಿಸಿದ್ದಾರೆ. ನಾಣ್ಯಕ್ಕಿಂತ ಆಭರಣ ಖರೀದಿಗೆ ಜನರು ಆದ್ಯತೆ ನೀಡಿದ್ದಾರೆ. ಬೆಂಗಳೂರಿನ ಮಾರುಕಟ್ಟೆಯಲ್ಲಿ ಶೇ 99.9ರಷ್ಟು ಶುದ್ಧತೆಯ 1 ಗ್ರಾಂ ಚಿನ್ನದ ದರ ₹14,582, 1 ಗ್ರಾಂ ಬೆಳ್ಳಿ ₹189ರಂತೆ ಮಾರಾಟವಾಯಿತು ಎಂದು ಅವರು ಹೇಳಿದರು.