ಬೆಂಗಳೂರಿನಲ್ಲಿ ಅಕ್ಕಿ ಬೆಲೆ ಮತ್ತೊಮ್ಮೆ ಏರಿಕೆ, ಗ್ರಾಹಕರಲ್ಲಿ ಆತಂಕ

ದಿನನಿತ್ಯದ ಆಹಾರವಾದ ಅನ್ನಕ್ಕೆ ಅವಿಭಾಜ್ಯವಾಗಿರುವ ಅಕ್ಕಿಯ ಬೆಲೆ ಮತ್ತೆ ಗಗನಕ್ಕೇರಿದ್ದು, ಗ್ರಾಹಕರ ಜೇಬಿಗೆ ಭಾರಿ ಹೊರೆ ಬಿದ್ದಿದೆ. ಕಳೆದ ಎರಡು ತಿಂಗಳ ಅವಧಿಯಲ್ಲಿ ವಿವಿಧ ಬಗೆಯ ಅಕ್ಕಿಯ ಸಗಟು ಬೆಲೆ ಕೆಜಿಗೆ ಸುಮಾರು ₹10ರಷ್ಟು ಏರಿಕೆಯಾಗಿದ್ದರೆ, ಇದೀಗ ಮತ್ತೊಮ್ಮೆ ₹5ರಿಂದ ₹7ರಷ್ಟು ಹೆಚ್ಚಳವಾಗಿದೆ. ಚಿಲ್ಲರೆ ಅಂಗಡಿಯವರ ಸಾಗಣೆ ವೆಚ್ಚ ಹಾಗೂ ವ್ಯಾಪಾರಿಗಳ ಲಾಭಾಂಶ ಸೇರಿ ಚಿಲ್ಲರೆ ಮಾರುಕಟ್ಟೆಯಲ್ಲಿ ಒಟ್ಟಾರೆ ಕೆಜಿಗೆ ₹20ರಿಂದ ₹22 ರಷ್ಟು ಹೆಚ್ಚಳದ ಪರಿಣಾಮ ಗ್ರಾಹಕರು ತತ್ತರಿಸುವಂತಾಗಿದೆ.