ಎಚ್‌ಎಸ್‌ಆರ್ ಲೇಔಟ್‌ನಲ್ಲಿ ರಾಜಕಾಲುವೆ ಸ್ವಚ್ಛತೆಗೆ ರೊಬೊಟಿಕ್ ಯಂತ್ರ ಬಳಕೆ

ಎಚ್‌ಎಸ್‌ಆರ್ ಲೇಔಟ್‌ನಲ್ಲಿ ಸೂಪರ್ ಸೆಕ್ಷನ್ ರೊಬೊಟಿಕ್ ಯಂತ್ರದ ಮೂಲಕ ರಾಜಕಾಲುವೆ ಸ್ವಚ್ಛತಾ ಪ್ರಾಯೋಗಿಕ ಕಾರ್ಯ ವೀಕ್ಷಿಸಿದ ಜಿಬಿಎ ಮುಖ್ಯ ಆಯುಕ್ತ ಮಹೇಶ್ವರ್ ರಾವ್, ಯಶಸ್ವಿಯಾದರೆ ಎಲ್ಲೆಡೆ ಬಳಕೆಗೆ ತರುವಂತೆ ಅಧಿಕಾರಿಗಳಿಗೆ ಸೂಚಿಸಿದರು. ಆರ್ಯನ್ ಸಂಸ್ಥೆಯ ಯಂತ್ರವು ಮುಚ್ಚಿದ ರಾಜಕಾಲುವೆಗಳ ಒಳಭಾಗದಲ್ಲಿ ಕಾರ್ಯನಿರ್ವಹಿಸಿ, ಸುಮಾರು 30 ಮೀಟರ್ ದೂರದವರೆಗೆ ಸ್ವಚ್ಛಗೊಳಿಸುವ ಸಾಮರ್ಥ್ಯ ಹೊಂದಿದೆ. ಎಚ್‌ಎಸ್‌ಆರ್ ಲೇಔಟ್ 7ನೇ ಸೆಕ್ಟರ್ 17ನೇ ಕ್ರಾಸ್ ಸುತ್ತಮುತ್ತಲಿನ ರಾಜಕಾಲುವೆಗಳನ್ನು ಆರು ಗಂಟೆ ಕಾರ್ಯಾಚರಣೆಯ ನಂತರ ಸಂಪೂರ್ಣವಾಗಿ ಸ್ವಚ್ಛಗೊಳಿಸಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.