ಜಮೀನು ಮಂಜೂರು ಮಾಡಿಸುವುದಾಗಿ ವಂಚನೆ: ಕಂದಾಯ ಸಿಬ್ಬಂದಿ ವಿರುದ್ಧ ದೂರು

ನಗರದ ಓರಿಯಂಟಲ್‌ ಲೈನ್‌ ನಿವೃತ್ತ ಸೈನಿಕ ರಾಜಕುಮಾರ್ ರಾಬರ್ಟಸನ್‌ಪೇಟೆ ಪೊಲೀಸರಿಗೆ ಕಂದಾಯ ಸಿಬ್ಬಂದಿ ₹4.5 ಲಕ್ಷ ವಂಚಿಸಿದ್ದಾರೆ ಎಂದು ದೂರು ನೀಡಿದ್ದಾರೆ. ಸೈನಿಕ ಕಲ್ಯಾಣ ಕಾರ್ಯಕ್ರಮದಡಿ ಕೃಷಿಭೂಮಿ ಕೊಡಿಸುವುದಾಗಿ ನಂಬಿಸಿ, ತಾಲ್ಲೂಕು ಕಚೇರಿ ಸಿಬ್ಬಂದಿ ವಂಚಿಸಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಕಂದಾಯ ಇನ್‌ಸ್ಪೆಕ್ಟರ್ ಸುದೀಪ್ ಜೆಸ್ಸಿ, ಗ್ರಾಮ ಲೆಕ್ಕಿಗ ಚಂದ್ರು, ಬ್ರೋಕರ್ ಪ್ರಭಾಕರ್ ಮತ್ತು ಸರ್ವೆಯರ್ ಮೌಲಾಖಾನ್ ಅವರನ್ನು ಪೊಲೀಸರು ವಿಚಾರಣೆ ನಡೆಸಿದ್ದಾರೆ. ಕೃಷಿಭೂಮಿ ನೀಡುವ ಆಮಿಷದ ನೆಪದಲ್ಲಿ, ಸುದೀಪ್ ಜೆಸ್ಸಿ ಅವರು ಗರುಡಾಧರ ಹಳ್ಳಿ, ಕ್ಯಾಸಂಬಳ್ಳಿ ಮತ್ತು ಪಂತನಹಳ್ಳಿಗಳಲ್ಲಿ ಜಮೀನು ಇದೆ ಎಂದು ಹೇಳಿ ಹಂತ ಹಂತವಾಗಿ ₹4.5 ಲಕ್ಷ ಪಡೆದಿದ್ದಾರೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.