ರೇಣುಕಾಸ್ವಾಮಿ ಕೊಲೆ ಕೇಸ್‌: ಪವಿತ್ರಾ ಗೌಡ ಅರ್ಜಿ ವಜಾ - ನೈಜೀರಿಯನ್ ಕೈದಿಗಳ ಜತೆ ವಾಸ ಅನಿವಾರ್ಯ; ಮತ್ತಿಬ್ಬರಿಗೆ ಜಾಮೀನು ನಿರಾಕರಣೆ

ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಜೈಲು ಸೇರಿರುವ ಪವಿತ್ರಾ ಗೌಡಗೆ ನ್ಯಾಯಾಲಯದಲ್ಲಿ ಹಿನ್ನಡೆಯಾಗಿದೆ. ನೈಜೀರಿಯನ್ ಮಹಿಳಾ ಕೈದಿಗಳ ಕಿರುಕುಳದ ಕಾರಣ ನೀಡಿ ಬ್ಯಾರಕ್ ಬದಲಾವಣೆಗೆ ಕೋರಿದ್ದ ಅವರ ಅರ್ಜಿಯನ್ನು ಬೆಂಗಳೂರು ನ್ಯಾಯಾಲಯ ವಜಾಗೊಳಿಸಿದೆ. ಹೀಗಾಗಿ ಅವರು ಅದೇ ಕೊಠಡಿಯಲ್ಲಿ ಮುಂದುವರಿಯಬೇಕಾಗಿದೆ. ಇದೇ ವೇಳೆ, ಪ್ರಕರಣದ ಪ್ರಮುಖ ಸಹ ಆರೋಪಿಗಳಾದ ಅನುಕುಮಾರ್ ಹಾಗೂ ಆಟೋ ಚಾಲಕ ಜಗದೀಶ್ ಸಲ್ಲಿಸಿದ್ದ ಜಾಮೀನು ಅರ್ಜಿಗಳನ್ನೂ ಕೋರ್ಟ್ ತಿರಸ್ಕರಿಸಿದೆ.