ಆರೆಂಜ್ ಲೈನ್‌ನ ಎಂಡ್-ಟು-ಎಂಡ್ ಡಬಲ್ ಡೆಕ್ಕರ್ ಪರಿಕಲ್ಪನೆ ರದ್ದು, 4 ಫ್ಲೈಓವರ್ ಮತ್ತು ಗೊರಗುಂಟೆಪಾಳ್ಯದಲ್ಲಿ 2 ಕಿ.ಮೀ ಸುರಂಗ ರಸ್ತೆಯ ಹೊಸ ಯೋಜನೆ

ಪಶ್ಚಿಮ ಹೊರವರ್ತುಲ ರಸ್ತೆ (ORR) ಮತ್ತು ಮಾಗಡಿ ರಸ್ತೆಯನ್ನು ಒಳಗೊಂಡ 'ಆರೆಂಜ್ ಲೈನ್' ಕಾರಿಡಾರ್‌ಗೆ ಬಿಎಮ್ ಆರ್ ಸಿಎಲ್ ಹೊಸ ಯೋಜನೆ ರೂಪಿಸಿದೆ. ಈ ಪರಿಷ್ಕೃತ ಯೋಜನೆಯಲ್ಲಿ ಒಟ್ಟು 4 ಫ್ಲೈಓವರ್ ಗಳು ಮತ್ತು 2 ಕಿ.ಮೀ ಸುರಂಗ ರಸ್ತೆಯನ್ನು ನಿರ್ಮಿಸಲು ಉದ್ದೇಶಿಸಲಾಗಿದೆ. ಕೇಂದ್ರ ಸರ್ಕಾರ ಅನುಮೋದನೆ ನಿರಾಕರಿಸಿದ್ದರಿಂದ, ಆರಂಭದಲ್ಲಿ ಉದ್ದೇಶಿಸಲಾಗಿದ್ದ 'ಎಂಡ್-ಟು-ಎಂಡ್ ಡಬಲ್ ಡೆಕ್ಕರ್' ಮಾದರಿಯನ್ನು ಬಿಎಮ್ ಆರ್ ಸಿಎಲ್ ರದ್ದುಗೊಳಿಸಿದೆ. ಆರೆಂಜ್ ಲೈನ್ ಒಟ್ಟು ಎರಡು ಪ್ರಮುಖ ಕಾರಿಡಾರ್ ಗಳನ್ನು ಒಳಗೊಂಡಿದೆ: ಪಶ್ಚಿಮ ಹೊರವರ್ತುಲ ರಸ್ತೆ (32.15 ಕಿ.ಮೀ) ಮತ್ತು ಮಾಗಡಿ ರಸ್ತೆ (12.50 ಕಿ.ಮೀ).