ಸಂಗೀತ ನಾಟಕ ‘ಕೇವಡೆ ಕಾ ಬನ್’ ಬೆಂಗಳೂರಿನಲ್ಲಿ ಪ್ರದರ್ಶನಗೊಳ್ಳಲಿದೆ

ದಖನಿ ಉರ್ದು ಕವಿ ಸುಲೈಮಾನ್ ಖತೀಬ್ ಅವರ ಕಾವ್ಯವನ್ನು ಆಧರಿಸಿದ ಸಂಗೀತ ನಾಟಕ ‘ಕೇವಡೆ ಕಾ ಬನ್’ ಇದೇ 25ರಂದು ಸಂಜೆ 7 ಗಂಟೆಗೆ ಬೆಂಗಳೂರಿನ ಕೋಣನಕುಂಟೆಯ ಪ್ರೆಸ್ಟೀಜ್‌ ಪ್ರದರ್ಶಕ ಕಲೆಗಳ ಕೇಂದ್ರದಲ್ಲಿ ಪ್ರದರ್ಶನಗೊಳ್ಳಲಿದೆ ಎಂದು ಸುಲೈಮಾನ್ ಖತೀಬ್ ಶೈಕ್ಷಣಿಕ, ಸಾಂಸ್ಕೃತಿಕ ಸಂಸ್ಥೆಯ ಟ್ರಸ್ಟಿ ಖಾದರ್ ಖತೀಬ್ ತಿಳಿಸಿದರು. ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ನಾಟಕವು ಮಾನವೀಯತೆ, ಶಿಕ್ಷಣ, ಸಾಮಾಜಿಕ ಸಮಾನತೆ ಮತ್ತು ಸೌಹಾರ್ದದ ಸಂದೇಶ ಸಾರಲಿದೆ ಎಂದೂ ಅವರು ಹೇಳಿದರು.