ಕರ್ನಾಟಕ ಮಹಿಳಾ ತಂಡ ಮುಂಬೈಯನ್ನು ಸೋಲಿಸಿ ಕ್ವಾರ್ಟರ್ ಫೈನಲ್‌ಗೆ ಪ್ರವೇಶ

ಶನಿವಾರ ಮುಲ್ಲನಪುರದ ಪಿಸಿಎ ಕ್ರೀಡಾಂಗಣದಲ್ಲಿ ನಡೆದ ಬಿಬಿಸಿಐ 19 ವರ್ಷದೊಳಗಿನವರ ಟಿ20 ಕ್ರಿಕೆಟ್ ಟೂರ್ನಿಯಲ್ಲಿ ಕರ್ನಾಟಕ ಮಹಿಳಾ ತಂಡವು ಮುಂಬೈ ತಂಡವನ್ನು 58 ರನ್‌ಗಳಿಂದ ಸೋಲಿಸಿತು. ರಚಿತಾ ಹತ್ವಾರ್‌ (84; 59ಎ) ಮತ್ತು ಶ್ರೇಯಾ ಚೌಹಾಣ್‌ (65; 36ಎ) ಅವರ ಅರ್ಧಶತಕಗಳ ನೆರವಿನಿಂದ ಕರ್ನಾಟಕ ತಂಡವು 20 ಓವರ್‌ಗಳಲ್ಲಿ 3 ವಿಕೆಟ್‌ಗೆ 168 ರನ್‌ ಗಳಿಸಿತು. ಗುರಿ ಬೆನ್ನಟ್ಟಿದ ಮುಂಬೈ ತಂಡವು ಖುಷಿ (25ಕ್ಕೆ 4) ಮತ್ತು ಕಶ್ವಿ (22ಕ್ಕೆ 4) ಅವರ ಪರಿಣಾಮಕಾರಿ ದಾಳಿಯ ಎದುರು ಪರದಾಡಿತು. ಲೀಗ್ ಹಂತದಲ್ಲಿ ತನ್ನ ಐದೂ ಪಂದ್ಯಗಳನ್ನು ಗೆದ್ದು ಕರ್ನಾಟಕ ತಂಡವು ಕ್ವಾರ್ಟರ್ ಫೈನಲ್‌ಗೆ ಮುನ್ನಡೆ ಯಾಯಿತು.