ಹೈಯ್ಯಾಳದ ಸಿ.ಭಾನುಧರರೆಡ್ಡಿ ಎನ್‌ಡಿಎ ಪರೀಕ್ಷೆಯಲ್ಲಿ ಉತ್ತೀರ್ಣ, ರಾಷ್ಟ್ರೀಯ ಮಟ್ಟದಲ್ಲಿ 282ನೇ ರ್ಯಾಂಕ್

ಹೈಯ್ಯಾಳದ ಸಿ.ಭಾನುಧರರೆಡ್ಡಿ ಕೇಂದ್ರ ಲೋಕಸೇವಾ ಆಯೋಗ ನಡೆಸಿದ ರಾಷ್ಟ್ರೀಯ ರಕ್ಷಣಾ ಅಕಾಡೆಮಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರುತ್ತಾರೆ. ಫಲಿತಾಂಶವು 5ರಂದು ಪ್ರಕಟಗೊಂಡಿದ್ದು, ಅವರು ರಾಷ್ಟ್ರೀಯ ಮಟ್ಟದಲ್ಲಿ 282ನೇ ರ್ಯಾಂಕ್ ಪಡೆದಿದ್ದಾರೆ. ಭಾನುಧರರೆಡ್ಡಿ ಅವರು ಪ್ರಾಥಮಿಕ ಶಿಕ್ಷಣವನ್ನು ಬೆಂಗಳೂರಿನಲ್ಲಿ ಪೂರ್ಣಗೊಳಿಸಿದ್ದಾರೆ ಮತ್ತು ಪ್ರೌಢಶಿಕ್ಷಣವನ್ನು ಸೆಡಂ ಕೊತ್ತಲ ಬಸವೇಶ್ವರ ಭಾರತೀಯ ಶಿಕ್ಷಣ ಸಮಿತಿ ಸಂಚಾಲಿ ವಿದ್ಯಾಮಂದಿರ ಸಿಬಿಎಸ್ಐ ಆಂಗ್ಲಮಾಧ್ಯಮ ಶಾಲೆಯಲ್ಲಿ ಪೂರ್ಣಗೊಳಿಸಿದ್ದಾರೆ. ಅವರು ಮುಂದಿನ ತಿಂಗಳಲ್ಲಿ ವಾಯುಸೇನಾಧಿಕಾರಿ ತರಬೇತಿಗೆ ಸೇರಲಿದ್ದಾರೆ.