ನೈಸ್ ರಸ್ತೆಯ ಟೋಲ್ ಕಟ್ಟದೇ ತೆರಳಿದ ಹೆಚ್.ಡಿ. ಕುಮಾರಸ್ವಾಮಿ

ನೈಸ್ ರಸ್ತೆಯಲ್ಲಿ ಟೋಲ್ ಕಟ್ಟದಂತೆ ಸಾರ್ವಜನಿಕರಿಗೆ ಕರೆ ನೀಡಿದ್ದ ಕೇಂದ್ರ ಸಚಿವ ಹೆಚ್.ಡಿ. ಕುಮಾರಸ್ವಾಮಿ ಅವರು, ಟೋಲ್ ಶುಲ್ಕ ಪಾವತಿಸದೇ ಅಲ್ಲಿ ಸಂಚರಿಸಿದರು. ನೈಸ್ ಟೋಲ್ ಪ್ಲಾಜಾ ಬಳಿ ಬಂದ ಕುಮಾರಸ್ವಾಮಿ ಅವರ ಕಾರನ್ನು ಸಿಬ್ಬಂದಿ ಅಡ್ಡಗಟ್ಟಿದರು. ಈ ವೇಳೆ ಕುಮಾರಸ್ವಾಮಿ ಅವರು ಗಾಜು ಇಳಿಸಿ ಸಿಬ್ಬಂದಿಯೊಂದಿಗೆ ಮಾತನಾಡುತ್ತಾ, ನೈಸ್ ರಸ್ತೆ ಟೋಲ್ ಶುಲ್ಕದ ಅಕ್ರಮದ ವಿರುದ್ಧ ಹೋರಾಟ ನಡೆಯುತ್ತಿದೆ ಎಂದು ಹೇಳಿದರು. ಯಾರೂ ಗಾಬರಿಯಾಗಬೇಡಿ ಎಂದು ಅವರು ಧೈರ್ಯ ತುಂಬಿ, ಟೋಲ್ ಶುಲ್ಕ ಪಾವತಿಸದೆಯೇ ಅಲ್ಲಿಂದ ತೆರಳಿದರು.