ಬೆಂಗಳೂರಿನಲ್ಲಿ ಜಾನಪದ ಗೀತೆಗಳ ಸಂರಕ್ಷಣೆಯ ಕುರಿತು ಜಾನಪದ ವಿದ್ವಾಂಸ ಪಿ.ಕೆ. ರಾಜಶೇಖರರ ಮಾತುಕತೆ

ಜಾನಪದ ವಿದ್ವಾಂಸ ಪಿ.ಕೆ. ರಾಜಶೇಖರರು, ಜನಪದ ಗೀತೆಗಳಲ್ಲಿ ತಾಳ ಬದಲಾಯಿಸುವುದು ಸರಿಯಲ್ಲ ಎಂದರು. ಯಾವುದೇ ಜನಪದ ಗೀತೆ ಮೂಲವನ್ನು ಕಳೆದುಕೊಂಡರೆ ಅದು ಸಿನಿಮಾ ಗೀತೆಯಂತೆ ಆಗಲಿದೆ ಎಂದು ಅವರು ಅಭಿಪ್ರಾಯಪಟ್ಟರು. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ನಗರದಲ್ಲಿ ಶನಿವಾರ ಹಮ್ಮಿಕೊಂಡಿದ್ದ ‘ಮನೆಯಂಗಳದಲ್ಲಿ ಮಾತುಕತೆ’ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಜನಪದವು ಅನಕ್ಷರಸ್ಥ ಸಮಾಜದ ಸಮಗ್ರ ವಿಚಾರವಾಗಿದ್ದು, ಅದನ್ನು ಬದಲಾಯಿಸಿದರೆ ಮೂಲ ಸಂಸ್ಕೃತಿಯೇ ನಾಶವಾಗುತ್ತದೆ ಎಂದು ಅವರು ತಿಳಿಸಿದರು.