ದೀಪಾವಳಿ ಹಬ್ಬದ ಖರೀದಿ ಭರಾಟೆ: ಬೆಂಗಳೂರಿನ ಕೆ.ಆರ್.ಮಾರ್ಕೆಟ್‌ನಲ್ಲಿ ಮುಂಜಾನೆ 3 ಗಂಟೆಯಿಂದಲೇ ಜನಸಾಗರ

ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ಬೆಂಗಳೂರಿನ ಕೆ.ಆರ್. ಮಾರ್ಕೆಟ್‌ನಲ್ಲಿ ಪೂಜಾ ಸಾಮಗ್ರಿ, ಹಣ್ಣು, ಹೂವಿನ ಖರೀದಿ ಜೋರಾಗಿ ನಡೆದಿದೆ. ಮುಂಜಾನೆ 3 ಗಂಟೆಯಿಂದಲೇ ಮಾರ್ಕೆಟ್‌ಗೆ ಗ್ರಾಹಕರು ಬರುತ್ತಿದ್ದು, ತೀವ್ರ ಜನಜಂಗುಳಿ ಕಂಡುಬಂದಿದೆ. ಹೂವಿನ ದರ ಗಗನಕ್ಕೇರಿದ್ದು, ಬೆಲೆ ಏರಿಕೆ ನಡುವೆಯೂ ಗ್ರಾಹಕರು ಖರೀದಿಯಲ್ಲಿ ತೊಡಗಿದ್ದಾರೆ. ಕೆಜಿ ಸೇವಂತಿಗೆ ಹೂವು 250 ರೂ.ನಿಂದ 300 ರೂ.ಗೆ, ಗುಲಾಬಿ ಕೆಜಿಗೆ 300 ರೂ., ಮಲ್ಲಿಗೆ ಒಂದು ಕೆಜಿ 1,500 ರೂ., ಕನಕಾಂಬರ ಹೂವು 2000 ರೂಪಾಯಿಗೆ ಮಾರಾಟವಾಗುತ್ತಿದೆ.