ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಕಳಪೆ ಶೂ ಆರೋಪಕ್ಕೆ ಸ್ಪಷ್ಟನೆ: ಹಳೆಯ ಫೋಟೋಗಳೇ ಕಾರಣ

ರಾಜ್ಯದಲ್ಲಿ ವಿದ್ಯಾರ್ಥಿಗಳಿಗೆ ವಿತರಿಸಲಾಗುತ್ತಿರುವ ಶೂಗಳ ಗುಣಮಟ್ಟದ ಕುರಿತು ಕೇಳಿಬಂದ ಆರೋಪಗಳ ಬಗ್ಗೆ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಸ್ಪಷ್ಟನೆ ನೀಡಿದ್ದಾರೆ. ಕಳಪೆ ಶೂ ಎಂದು ಹಂಚಿಕೆಯಾದ ಫೋಟೋಗಳು ಕಳೆದ ವರ್ಷದ ಹಳೆಯ ಶೂಗಳದ್ದಾಗಿವೆ ಎಂದು ಸಚಿವರು ತಿಳಿಸಿದ್ದಾರೆ. ಈ ವರ್ಷ ರಾಜ್ಯಾದ್ಯಂತ ಹನ್ನೆರಡೂವರೆ ಲಕ್ಷ ಶೂಗಳನ್ನು ಮೊದಲ ಬಾರಿಗೆ ವಿತರಿಸಲಾಗುತ್ತಿದೆ. ಶೂಗಳ ಗಾತ್ರ (ಸೈಜ್) ಸಮಸ್ಯೆಯಿಂದ ಬಿಗಿಯಾಗಿರುವ ಕುರಿತು ದೂರುಗಳು ಬಂದಿದ್ದು, ಇಂತಹ ಸಂದರ್ಭದಲ್ಲಿ ತಕ್ಷಣವೇ ವಿನಿಮಯಕ್ಕೆ ವ್ಯವಸ್ಥೆ ಮಾಡಲಾಗಿದೆ ಎಂದು ತಿಳಿಸಿದರು. ನಿರ್ದಿಷ್ಟವಾಗಿ ಕಳಪೆ ಗುಣಮಟ್ಟದ ಶೂಗಳ ಬಗ್ಗೆ ದೂರುಗಳಿದ್ದರೆ, ಟೆಂಡರ್ ಪಡೆದವರ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ಸಚಿವರು ಭರವಸೆ ನೀಡಿದರು.