ಬಿಡಿಎ ಸೈಟ್‌ಗಳ ಪಕ್ಕದ ಮಾರ್ಜಿನ್ ಲ್ಯಾಂಡ್ ಖರೀದಿ ಮತ್ತು 2008ಕ್ಕೂ ಮುನ್ನ ನಿರ್ಮಿಸಿದ ಮನೆಗಳ ಸಕ್ರಮಕ್ಕೆ ಅವಕಾಶ

ಬೆಂಗಳೂರು ನಗರಾಭಿವೃದ್ಧಿ ಪ್ರಾಧಿಕಾರದ (ಬಿಡಿಎ) ಕಮಿಷನರ್ ಅವರು ಬಿಡಿಎ ಅಧಿಕಾರಿಗಳೊಂದಿಗೆ ಸಭೆಯಲ್ಲಿ ಬೆಂಗಳೂರಿನ ಆಸ್ತಿ ಮಾಲೀಕರಿಗೆ ಮಹತ್ವದ ನಿರ್ಧಾರ ಪ್ರಕಟಿಸಿದರು. 2008ಕ್ಕೂ ಮುನ್ನ ಬಿಡಿಎ ಜಾಗದಲ್ಲಿ ಮನೆ ನಿರ್ಮಿಸಿಕೊಂಡವರಿಗೆ ಸಕ್ರಮಗೊಳಿಸಿಕೊಳ್ಳಲು ಮತ್ತೊಂದು ಅವಕಾಶ ನೀಡಲಾಗುತ್ತಿದೆ. ಸಕ್ರಮಕ್ಕೆ ಅರ್ಜಿ ಸಲ್ಲಿಸಲು ಡಿಸೆಂಬರ್ 17ರ ವರೆಗೆ ಅವಕಾಶ ನೀಡಲಾಗಿದೆ. ಇದಲ್ಲದೆ, ಬಿಡಿಎ ನಿವೇಶನ ಪಡೆದವರ ಪಕ್ಕದ ಮಾರ್ಜಿನ್ ಲ್ಯಾಂಡ್ ಖರೀದಿಸಲು ಅವಕಾಶ ಕಲ್ಪಿಸಲಾಗಿದೆ. 600 ಚದರ ಅಡಿ ನಿವೇಶನ ಹೊಂದಿರುವವರು ಮಾರ್ಜಿನ್ ಲ್ಯಾಂಡ್ ಖರೀದಿಗೆ ಡಿಸೆಂಬರ್ 22ರ ವರೆಗೆ ಅರ್ಜಿ ಸಲ್ಲಿಸಬಹುದು.