ಕೆಐಎ ಟರ್ಮಿನಲ್‌ಗಳಲ್ಲಿ ದಸರಾ ಸಂಭ್ರಮ ಮತ್ತು ಸಾಂಸ್ಕೃತಿಕ ಪ್ರದರ್ಶನ

ದಸರಾ ಸಂಭ್ರಮದ ಅಂಗವಾಗಿ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ (ಕೆಐಎ) ಟರ್ಮಿನಲ್‌–1 ಮತ್ತು 2ರಲ್ಲಿ 12ರಿಂದ 17ರವರೆಗೆ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ. ಗೊಂಬೆ ಪ್ರದರ್ಶನ, ಸಾಂಪ್ರದಾಯಿಕ ಕರಕುಶಲ, ಸಂಗೀತ ಮತ್ತು ಕಲೆಗಳ ಮೂಲಕ ಕರ್ನಾಟಕದ ಸಂಸ್ಕೃತಿಯನ್ನು ಪ್ರಯಾಣಿಕರಿಗೆ ಪರಿಚಯಿಸಲಾಗುತ್ತದೆ. ಟರ್ಮಿನಲ್‌–2ರ ಆಗಮನದ ಮುಂಭಾಗದಲ್ಲಿ ಅನುಪಮಾ ಹೊಸ್ಕೆರೆ ನೇತೃತ್ವದಲ್ಲಿ 15 ಅಡಿ ಗೊಂಬೆ ಪ್ರದರ್ಶನ ನಡೆಯಲಿದೆ. ಅ. 16ರಂದು ಸಂಜೆ 6ರಿಂದ 8 ಗಂಟೆ ವರೆಗೆ ಟರ್ಮಿನಲ್‌–2ರ ಆಗಮನ ಮುಂಭಾಗದಲ್ಲಿ ತೊಗಲು ಗೊಂಬೆಯಾಟ ಪ್ರದರ್ಶನವೂ ಇರುತ್ತದೆ.