ಒಂದೇ ಕುಟುಂಬದ 7 ಜನರ ಹತ್ಯೆ ಪ್ರಕರಣ: 'ಪ್ರೆಸ್' ಸ್ಟಿಕ್ಕರ್ ಕಾರಿನಲ್ಲಿ ಶವ ಸಾಗಿಸಿದ್ದ ಆರೋಪಿ ಇಂದುಶೇಖರ್ ಬಯಲಾದ

ಒಂದೇ ಕುಟುಂಬದ 7 ಜನರ ಹತ್ಯೆ ಪ್ರಕರಣದ ಸಂಬಂಧ ಹೆಚ್ಚಿನ ಮಾಹಿತಿ ಬಯಲಾಗಿದೆ. ಶವ ಸಾಗಿಸಲು ಆರೋಪಿ ಇಂದುಶೇಖರ್ ಬಳಸುತ್ತಿದ್ದ ಕಾರಿನ ಮೇಲೆ 'ಪ್ರೆಸ್' ಸ್ಟಿಕ್ಕರ್ ಅಂಟಿಸಲಾಗಿತ್ತು ಮತ್ತು ಕಾರಿನ ಡಿಕ್ಕಿಯ ಮೇಲ್ಭಾಗದಲ್ಲಿ ಪತ್ರಿಕೆಯ ಬ್ಯಾನರ್ ಕೂಡ ಹಾಕಲಾಗಿತ್ತು. ಪೊಲೀಸರ ಕಣ್ತಪ್ಪಿಸಿ ಮೃತದೇಹಗಳನ್ನು ಸಾಗಿಸಲು ಆತ ಈ ಕಾರನ್ನೇ ಬಳಸಿಕೊಂಡಿದ್ದ ಎನ್ನಲಾಗಿದೆ. ಪೊಲೀಸರು ವಶಪಡಿಸಿಕೊಂಡ ಟೊಯೊಟಾ ಎಟಿಯೋಸ್ ಕಾರಿನೊಳಗೆ ಗಂಧದ ಪರಿಮಳದ ಸುಗಂಧ ದ್ರವ್ಯಗಳು ಹಾಗೂ ಗುಲಾಬಿ ನೀರಿನ ಹಲವು ಬಾಟಲಿಗಳು ಪತ್ತೆಯಾಗಿವೆ. ಅಲ್ಲದೆ, ಕಾರಿನ ಮೇಲೆ ಸಂಚಾರ ನಿಯಮ ಉಲ್ಲಂಘನೆಗಾಗಿ ಬರೋಬ್ಬರಿ 14,900 ರೂಪಾಯಿ ದಂಡ ಬಾಕಿ ಇದೆ ಎಂದು ತಿಳಿದುಬಂದಿದೆ.