ಬೆಂಗಳೂರಿನ ಪ್ರತಿಭಟನಾ ಸ್ಥಳಗಳ ಕುರಿತು ಚರ್ಚೆ: ನಿರ್ಬಂಧಗಳು ವಿರೋಧವನ್ನು ಕುಂಠಿತಗೊಳಿಸುತ್ತವೆಯೇ?

ಹಿಂದೆ ಬೆಂಗಳೂರು ನಗರದ ಹೃದಯ ಭಾಗದಲ್ಲಿ ಮೈಸೂರು ಬ್ಯಾಂಕ್ ವೃತ್ತ, ನೃಪತುಂಗ ರಸ್ತೆ, ಪುರಭವನ, ಮಹಾನಗರ ಪಾಲಿಕೆ ಕಚೇರಿ ಮುಂಭಾಗ ಸೇರಿದಂತೆ ಹಲವು ಪ್ರಮುಖ ಸ್ಥಳಗಳಲ್ಲಿ ಪ್ರತಿಭಟನೆಗಳು ನಡೆಯುತ್ತಿದ್ದವು. ಜನವರಿ 2022ರಲ್ಲಿ ರಾಜ್ಯ ಗೆಜೆಟ್‌ನಲ್ಲಿ ‘ಪ್ರತಿಭಟನೆಗಳು, ಪ್ರದರ್ಶನಗಳು ಮತ್ತು ಪ್ರತಿಭಟನಾ ಮೆರವಣಿಗೆಗಳ (ಬೆಂಗಳೂರು ನಗರ) ಆದೇಶ 2021’ ಹೊರಡಿಸಲಾಯಿತು. ಅದರ ಅನ್ವಯ ಬೆಂಗಳೂರಿನಲ್ಲಿ ಪ್ರತಿಭಟನೆ ನಡೆಸಲು ಸ್ವಾತಂತ್ರ್ಯ ಉದ್ಯಾನವನ್ನು ಅಧಿಕೃತ ಸ್ಥಳವಾಗಿ ಗುರುತಿಸಲಾಯಿತು ಮತ್ತು ಪ್ರತಿಭಟನೆಗೆ ಪೊಲೀಸ್ ಇಲಾಖೆಯಿಂದ ಪರವಾನಗಿ ಪಡೆಯುವುದು ಕಡ್ಡಾಯವಾಯಿತು. ಆಗಸ್ಟ್ 2022ರಲ್ಲಿ ಹೈಕೋರ್ಟ್ ಇದೇ ಆದೇಶವನ್ನು ಪುರಸ್ಕರಿಸಿ ಆದೇಶ ಹೊರಡಿಸಿತು. ಆದರೆ, ಹೋರಾಟಗಾರರ ಪ್ರಕಾರ, ಪ್ರತಿಭಟನೆಯ ಸ್ಥಳವನ್ನು ನಿರ್ದಿಷ್ಟಗೊಳಿಸುವುದು ಅದರ ಪ್ರಭಾವ ಮತ್ತು ವ್ಯಾಪ್ತಿಯನ್ನು ಕುಗ್ಗಿಸುತ್ತದೆ.