ಬಿಎಂಟಿಸಿ ಬಸ್ಸುಗಳಲ್ಲಿ ಟ್ಯಾಪ್ ಟು ಪೇ ವ್ಯವಸ್ಥೆ ಶೀಘ್ರ ಜಾರಿ

ಬಿಎಂಟಿಸಿ ಕೆಲವು ಬಸ್ಸುಗಳಲ್ಲಿ ಟ್ಯಾಪ್ ಟು ಪೇ ವ್ಯವಸ್ಥೆ ಜಾರಿಯಾಗಲಿದ್ದು, ಈ ಬಸ್ಸುಗಳು ಕಂಡಕ್ಟರ್ ರಹಿತವಾಗಲಿವೆ. ನಮ್ಮ ಮೆಟ್ರೋದಲ್ಲಿರುವ ವ್ಯವಸ್ಥೆಯಂತೆ, ಪ್ರಯಾಣಿಕರೇ ಸ್ವಯಂ ಚಾಲಿತವಾಗಿ ಪಾವತಿ ಮಾಡಿ ಟಿಕೆಟ್ ಪಡೆಯಬೇಕಿದೆ. ಮೆಟ್ರೋ ಪ್ರಯಾಣಿಕರಿಗೆ ಸಂಪರ್ಕ ಕಲ್ಪಿಸಲು 200 ಹೊಸ ಎಸಿ ಮಿನಿಬಸ್ ಗಳಲ್ಲಿ ಈ ವ್ಯವಸ್ಥೆ ಜಾರಿಗೆ ತರಲಾಗುತ್ತಿದೆ. ಬಸ್ ಪ್ರವೇಶ ದ್ವಾರದಲ್ಲಿ ಟ್ಯಾಪ್ ಟು ಪೇ ವ್ಯವಸ್ಥೆ ಅಳವಡಿಸಲಾಗಿದ್ದು, ಪ್ರಯಾಣಿಕರು ಸಂಪರ್ಕ ರಹಿತ ಕಾರ್ಡ್, ಮೊಬೈಲ್ ಅಥವಾ ಕ್ಯೂ ಆರ್ ಕೋಡ್ ಮೂಲಕ ಪಾವತಿ ಮಾಡಬಹುದು.