ಬೆಂಗಳೂರು ಟೆಕ್‌ನಲ್ಲಿ ಹೊಸ ಟ್ರೆಂಡ್‌: ಉದ್ಯೋಗ ಬಿಟ್ಟು ಸ್ವತಂತ್ರ ಸಂಶೋಧನೆಗೆ ಯೋಚಿಸುವ ಟೆಕ್ಕಿಗಳು

ಸಿಲಿಕಾನ್ ವ್ಯಾಲಿಯಲ್ಲಿ ಕೆಲಸ ಮಾಡುವ ಭಾರತೀಯ ಟೆಕ್ಕಿ ಅಭಿಷೇಕ್ ಯಾದವ್ ಅವರು, ಬೆಂಗಳೂರು ಮತ್ತು ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ಹೊಸ ಟ್ರೆಂಡ್‌ ಬೆಳೆಯುತ್ತಿದೆ ಎಂದು ಪೋಸ್ಟ್ ಮಾಡಿದ್ದಾರೆ. ಅನೇಕ ಎಂಜಿನಿಯರ್‌ಗಳು ಕಂಪನಿ ಉದ್ಯೋಗಗಳನ್ನು ಬಿಟ್ಟು ಸ್ವತಂತ್ರ ಸಂಶೋಧನೆ ಮತ್ತು ವೈಯಕ್ತಿಕ ಪ್ರಾಜೆಕ್ಟ್‌ಗಳತ್ತ ಗಮನ ಹರಿಸುತ್ತಿದ್ದಾರೆ ಎಂದು ಅವರು ತಿಳಿಸಿದ್ದಾರೆ. ಮ್ಯಾನೇಜರ್ ಅಥವಾ ಉದ್ಯೋಗದಾತರ ನಿಯಂತ್ರಣವಿಲ್ಲದೆ, ತಮ್ಮ ಆಸಕ್ತಿಯ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಲು ಕೆಲವರು ಮುಂದಾಗುತ್ತಿದ್ದಾರೆ ಎಂದು ಅವರು ಹೇಳಿದ್ದಾರೆ.