ಬೆಂಗಳೂರಿನ ಕಸದ ಸಮಸ್ಯೆಗೆ ಶೀಘ್ರ ಮುಕ್ತಿ? ಇನ್ಮುಂದೆ ಸಿಲಿಕಾನ್ ಸಿಟಿಯಲ್ಲಿ ರಾತ್ರಿ 12ರವರೆಗೂ ಬರಲಿದೆ ಕಸದ ಗಾಡಿ

ಬೆಂಗಳೂರಿನ ಕಸದ ಸಮಸ್ಯೆಗೆ ಶೀಘ್ರ ಮುಕ್ತಿ? ಇನ್ಮುಂದೆ ಸಿಲಿಕಾನ್ ಸಿಟಿಯಲ್ಲಿ ರಾತ್ರಿ 12ರವರೆಗೂ ಬರಲಿದೆ ಕಸದ ಗಾಡಿ: GBAಯಿಂದ ಹೊಸ ಯೋಜನೆ ಶುರು!

ಬೆಂಗಳೂರಿನಲ್ಲಿ ಕಸ ಸಂಗ್ರಹಣೆಗೆ ಹೊಸ ಯೋಜನೆ ಆರಂಭಗೊಂಡಿದೆ. ಸಂಜೆ 5 ಗಂಟೆಯಿಂದ ಮಧ್ಯರಾತ್ರಿ 12 ಗಂಟೆಯವರೆಗೆ ಕಸ ಸಂಗ್ರಹಿಸುವ ವಿಶೇಷ ಯೋಜನೆಯನ್ನು ಜಿಬಿಎ ಚಾಲನೆ ನೀಡಿದೆ. ಪ್ರಾಯೋಗಿಕವಾಗಿ ಈ ಯೋಜನೆಯನ್ನು 5 ವಾರ್ಡ್‌ಗಳಲ್ಲಿ (ಎಚ್‌ಎಸ್‌ಆರ್ ಲೇಔಟ್, ಬೊಮ್ಮನಹಳ್ಳಿ, ಹೊಂಗಸಂದ್ರ, ಮಂಗಳಮ್ಮನಪಾಳ್ಯ ಮತ್ತು ಸಿಂಗಸಂದ್ರ) ಆರಂಭಿಸಲಾಗಿದೆ. ಸಂಜೆಯ ವಿಶೇಷ ವಿಲೇವಾರಿಗಾಗಿ 20 ರಿಂದ 25 ಆಟೋಗಳನ್ನು ನಿಯೋಜಿಸಲಾಗಿದೆ. ಕಸವನ್ನು ಕಡ್ಡಾಯವಾಗಿ ಹಸಿ ಮತ್ತು ಒಣ ಕಸವಾಗಿ ಪ್ರತ್ಯೇಕಿಸಬೇಕು ಎಂದು ಪಾಲಿಕೆ ಕಮಿಷನರ್ ಕೆ.ಎನ್. ರಮೇಶ್ ತಿಳಿಸಿದ್ದಾರೆ. ನಿಯಮ ಉಲ್ಲಂಘಿಸುವವರಿಗೆ ಭಾರೀ ದಂಡ ಹಾಗೂ ವಾಹನ ಸೀಜ್ ಮಾಡುವ ಕ್ರಮ ಜರುಗಿಸಲಾಗುತ್ತದೆ.