ಬೆಂಗಳೂರಿನಲ್ಲಿ ಗುಣಮಟ್ಟದ ಸಮಸ್ಯೆಗಳಿಂದ 15 ಸಿಹಿ ತಿಂಡಿ ಘಟಕಗಳಿಗೆ ನೋಟಿಸ್

ಆಹಾರ ಸುರಕ್ಷತೆ ಇಲಾಖೆ ಅಧಿಕಾರಿಗಳು ಸಿಹಿ ತಿಂಡಿಗಳ ಗುಣಮಟ್ಟದ ಪರೀಕ್ಷೆಯನ್ನು ಮುಂದುವರೆಸಿ, ಶುಕ್ರವಾರ ರಾಜ್ಯದ ವಿವಿಧೆಡೆ 106 ಸಿಹಿ ತಿಂಡಿ ತಯಾರಿಕೆ ಮತ್ತು ಮಾರಾಟ ಘಟಕಗಳ ತಪಾಸಣೆ ನಡೆಸಿದ್ದಾರೆ. ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಕಾಯ್ದೆ 2006ರ ನಿಯಮ ಉಲ್ಲಂಘನೆ ಕಾರಣ 15 ಘಟಕಗಳಿಗೆ ಅಧಿಕಾರಿಗಳು ನೋಟಿಸ್ ನೀಡಿದ್ದು, ನೈರ್ಮಲ್ಯ ಕೊರತೆ ಕಾರಣ ಎರಡು ಸಿಹಿ ತಿಂಡಿ ಘಟಕಗಳಿಗೆ ಒಟ್ಟು ₹ 7 ಸಾವಿರ ದಂಡ ವಿಧಿಸಿದ್ದಾರೆ.