ಆಯುಧ ಪೂಜೆ, ದಸರಾ ಹಬ್ಬ: ಬೆಲೆ ಏರಿಕೆ ನಡುವೆಯೂ ಖರೀದಿ ಜೋರು; ಬೆಂಗಳೂರು ಮಾರುಕಟ್ಟೆ ಹಣ್ಣು, ಹೂವಿನ ದರ ಪಟ್ಟಿ ಇಲ್ಲಿದೆ

ಆಯುಧಪೂಜೆ ಮತ್ತು ವಿಜಯದಶಮಿ ಹಬ್ಬದ ಹಿನ್ನೆಲೆಯಲ್ಲಿ ಬೆಂಗಳೂರಿನ ಮಾರುಕಟ್ಟೆಗಳಲ್ಲಿ ಖರೀದಿ ಭರಾಟೆ ಜೋರಾಗಿದೆ. ಮಳೆಯಿಂದಾಗಿ ಬೆಳೆ ಹಾನಿಯಾಗಿ ಹೂವು, ಹಣ್ಣು, ಬೂದುಕುಂಬಳ, ನಿಂಬೆಹಣ್ಣು ಹಾಗೂ ಏಲಕ್ಕಿ ಬಾಳೆಹಣ್ಣಿನ ಬೆಲೆಗಳು ಗಗನಮುಖಿಯಾಗಿವೆ. ಹೊರರಾಜ್ಯಗಳಿಂದ ಪೂರೈಕೆ ಹೆಚ್ಚಿರುವುದರಿಂದ ಸೇಬಿನ ಬೆಲೆ ಇಳಿಕೆಯಾಗಿದ್ದು, ಉಳಿದಂತೆ ಸೇವಂತಿ, ಮಲ್ಲಿಗೆ ಸೇರಿದಂತೆ ಬಹುತೇಕ ಪೂಜಾ ಸಾಮಗ್ರಿಗಳ ದುಬಾರಿ ದರ ಗ್ರಾಹಕರ ಜೇಬಿಗೆ ಕತ್ತರಿ ಹಾಕಿದೆ.