ಯಲಹಂಕದಲ್ಲಿ ಹೋಟೆಲ್ ತ್ಯಾಜ್ಯ ಮತ್ತು ಮಾಂಸದ ತ್ಯಾಜ್ಯದಿಂದ ಹಸುಗಳಿಗೆ ಮೇವು: ಸ್ಥಳೀಯರ ಆಕ್ರೋಶ

ಯಲಹಂಕದ ಹೆಸರಘಟ್ಟ ಹೋಬಳಿಯ ವಿವಿಧ ಗ್ರಾಮಗಳಲ್ಲಿ ಹೋಟೆಲ್‌ಗಳ ಕೊಳೆತ ಉಳಿಕೆ ಆಹಾರ ಹಾಗೂ ಮಾಂಸದ ತ್ಯಾಜ್ಯವನ್ನು ಮೇವಾಗಿ ತಿನ್ನಿಸುತ್ತಿರುವ ಆತಂಕಕಾರಿ ಅಂಶ ಬೆಳಕಿಗೆ ಬಂದಿದೆ. ಹಸಿ ಹುಲ್ಲಿನ ಖರ್ಚು ಉಳಿಸುವ ಉದ್ದೇಶದಿಂದ ಕೆಲವರು ಕಡಿಮೆ ಬೆಲೆಗೆ ಹೋಟೆಲ್ ತ್ಯಾಜ್ಯ ತಂದು ರಾಸುಗಳಿಗೆ ಹಾಕುತ್ತಿದ್ದು, ಇದರಿಂದ ಉತ್ಪಾದನೆಯಾಗುವ ಹಾಲು ವಿಷಕಾರಿಯಾಗುತ್ತಿದೆ. ಈ ಕಲುಷಿತ ಹಾಲನ್ನು ಸ್ಥಳೀಯ ಡೇರಿಗಳಿಗೆ ಸರಬರಾಜು ಮಾಡಲಾಗುತ್ತಿದೆ. ಈ ಕುರಿತು ಅಧಿಕಾರಿಗಳಿಗೆ ದೂರು ನೀಡಿದರೂ ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ಸಾರ್ವಜನಿಕ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.