ಯಲಹಂಕದಲ್ಲಿ ₹6,000 ಕೋಟಿ ವೆಚ್ಚದ ಎಲಿವೇಟೆಡ್ ರೈಲ್ವೆ ಟರ್ಮಿನಲ್‌ನ ಡಿಪಿಆರ್‌ಗೆ ಆರ್ವಿ ಅಸೋಸಿಯೇಟ್ಸ್

ಉತ್ತರ ಬೆಂಗಳೂರಿನ ಯಲಹಂಕದಲ್ಲಿ ನಿರ್ಮಿಸಲು ಉದ್ದೇಶಿಸಲಾಗಿರುವ, ಭಾರತದ ಪ್ರಪ್ರಥಮ ಸಂಪೂರ್ಣ ಎಲಿವೇಟೆಡ್ ರೈಲ್ವೆ ಕೋಚಿಂಗ್ ಟರ್ಮಿನಲ್ ಯೋಜನೆಗೆ ಯೋಜನಾ ವರದಿ (DPR) ಸಿದ್ಧಪಡಿಸುವ ಜವಾಬ್ದಾರಿಯನ್ನು ಹೈದರಾಬಾದ್ ಮೂಲದ 'ಆರ್ ವಿ ಅಸೋಸಿಯೇಟ್ಸ್' ಸಂಸ್ಥೆಗೆ ವಹಿಸುವ ಸಾಧ್ಯತೆಯಿದೆ. ಈ ಮೆಗಾ ಯೋಜನೆಗೆ ನೈಋತ್ಯ ರೈಲ್ವೆಯು (SWR) ₹3.2 ಕೋಟಿ ಮೌಲ್ಯದ ಕನ್ಸಲ್ಟೆನ್ಸಿ ಗುತ್ತಿಗೆಯನ್ನು ನೀಡಲು ಸಜ್ಜಾಗಿದೆ. ಬೆಂಗಳೂರು ನಗರದ ನಾಲ್ಕನೇ ಬೃಹತ್ ರೈಲ್ವೆ ಟರ್ಮಿನಲ್ ಆಗಲಿರುವ ಈ ₹6,000 ಕೋಟಿ ವೆಚ್ಚದ ಯೋಜನೆಯ ವ್ಯಾಪ್ತಿಯಲ್ಲಿ ಯಲಹಂಕದ ರೈಲ್ ವೀಲ್ ಫ್ಯಾಕ್ಟರಿ ಆವರಣದಲ್ಲಿ ಕೋಚಿಂಗ್ ನಿರ್ವಹಣೆ ಹಾಗೂ ಪ್ಲಾಟ್ ಫಾರ್ಮ್ ಸೌಲಭ್ಯಗಳನ್ನು ವಿಸ್ತರಿಸುವ ಕಾರ್ಯವೂ ಇದೆ.