ಕೋಲಾರದಲ್ಲಿ ಪ್ರಧಾನಿ ಮೋದಿ ಅವರ 25 ವರ್ಷಗಳ ಸೇವೆಗಾಗಿ ಬಿಜೆಪಿ ಸೇವಾ ಜ್ಯೋತಿ ಯಾತ್ರೆ

ಪ್ರಧಾನಿ ನರೇಂದ್ರ ಮೋದಿ ಅವರ 25 ವರ್ಷಗಳ ಸಾರ್ಥಕ ಸೇವೆ ಪ್ರಯುಕ್ತ ಜಿಲ್ಲಾ ಬಿಜೆಪಿಯಿಂದ ಬುಧವಾರ ಕೋಲಾರದಲ್ಲಿ ಸೇವಾ ಜ್ಯೋತಿ ಯಾತ್ರೆ ಆಯೋಜಿಸಲಾಗಿತ್ತು. ಯಾತ್ರೆಯ ಅಂಗವಾಗಿ ಬೈಕ್‌ ರ‍್ಯಾಲಿ ಕೂಡ ನಡೆಯಿತು. ಪಕ್ಷದ ಜಿಲ್ಲಾ ಅಧ್ಯಕ್ಷ ಓಂಶಕ್ತಿ ಚಲಪತಿ, ಮಾಜಿ ಸಂಸದ ಎಸ್‌.ಮುನಿಸ್ವಾಮಿ ಹಾಗೂ ರಾಜ್ಯ ಮುಖಂಡ ನಿರ್ಮಲ್‌ ಕುಮಾರ ಸುರಾನಾ ಚಾಲನೆ ನೀಡಿದರು. ಯಾತ್ರೆ ಬಂಗಾರಪೇಟೆ ರಸ್ತೆ, ಇಟಿಸಿಎಂ ವೃತ್ತ, ಅಂಬೇಡ್ಕರ್‌ ವೃತ್ತ, ಡೂಮ್‌ ಲೈಟ್‌ ಸರ್ಕಲ್, ಟವರ್‌, ಕೆಎಸ್‌ಆರ್‌ಟಿಸಿ ಬಸ್‌ ನಿಲ್ದಾಣ ಮೂಲಕ ಸಾಗಿ ಫುಡ್‌ ಕೋರ್ಟ್ ಬಳಿಯೇ ಅಂತ್ಯಗೊಂಡಿತು.