ನಮ್ಮ ಮೆಟ್ರೋದ ಸೆಂಟ್ರಲ್ ಸಿಲ್ಕ್ ಬೋರ್ಡ್ - ಕೆ.ಆರ್.ಪುರ ನೀಲಿ ಮಾರ್ಗ ಮತ್ತು ಡೇರಿ ಸರ್ಕಲ್ - ನಾಗಾವರ ಗುಲಾಬಿ ಮಾರ್ಗವನ್ನು 2027ರ ಮೇ ತಿಂಗಳಲ್ಲಿ ತೆರೆಯಲು BMRCL ಕಸರತ್ತು

ನಮ್ಮ ಮೆಟ್ರೋದ ಬಹುನಿರೀಕ್ಷಿತ ಸೆಂಟ್ರಲ್ ಸಿಲ್ಕ್ ಬೋರ್ಡ್ - ಕೆ.ಆರ್.ಪುರ ನೀಲಿ ಮಾರ್ಗ ಮತ್ತು ಡೇರಿ ಸರ್ಕಲ್ - ನಾಗಾವರ ಗುಲಾಬಿ ಮಾರ್ಗವನ್ನು 2027ರ ಮೇ ತಿಂಗಳಲ್ಲಿ ಸಾರ್ವಜನಿಕರ ಸೇವೆಗೆ ಮುಕ್ತಗೊಳಿಸಲು BMRCL ಭರದ ಸಿದ್ಧತೆ ನಡೆಸುತ್ತಿದೆ. ಈ ಹಿನ್ನಲೆಯಲ್ಲಿ ಈ ನವೆಂಬರ್‌ನಿಂದಲೇ ಈ ಮಾರ್ಗಗಳಲ್ಲಿನ ರೈಲುಗಳ ಪ್ರಾಯೋಗಿಕ ಸಂಚಾರ ಆರಂಭಿಸಲು ಯೋಜನೆ ರೂಪಿಸಲಾಗಿದೆ. ಗುಲಾಬಿ ಮಾರ್ಗಕ್ಕೆ ಈಗಾಗಲೇ 11 ರೈಲುಗಳು ಬಂದಿದ್ದು, ನಿಲ್ದಾಣಗಳಲ್ಲಿ ಪ್ಲಾಟ್‌ಫಾರ್ಮ್ ಸ್ಕ್ರೀನ್ ಡೋರ್ ಅಳವಡಿಸುವ ಕಾರ್ಯ ನಡೆಯುತ್ತಿದೆ. ನೀಲಿ ಮಾರ್ಗದಲ್ಲೂ ಕಾಮಗಾರಿ ಭರದಿಂದ ಸಾಗಿದ್ದು, ಎಲ್ಲಾ ಅಂದುಕೊಂಡಂತೆ ಆದಲ್ಲಿ ಮುಂದಿನ ವರ್ಷ ಮೇ ತಿಂಗಳಲ್ಲಿ ಈ ಮೆಟ್ರೋ ಮಾರ್ಗಗಳು ಸಂಚಾರಕ್ಕೆ ಮುಕ್ತವಾಗಲಿದೆ.