ಮಲ್ಲೇಶ್ವರದ ಕಾಲೇಜಿನಲ್ಲಿ ರಾಷ್ಟ್ರೀಯ 'ಎಂ-ಯುಕ್ತಿ 2026' ಕಲ್ಪನಾ ಸ್ಪರ್ಧೆ

ವಿದ್ಯಾರ್ಥಿನಿಯರಿಗಾಗಿ ನಾವೀನ್ಯ ಮತ್ತು ಸಾಮಾಜಿಕ ಪರಿಣಾಮದ ಕುರಿತು ರಾಷ್ಟ್ರೀಯ 'ಎಂ-ಯುಕ್ತಿ 2026' ಸಮಾಲೋಚನೆ ಸ್ಪರ್ಧೆಯನ್ನು ಬೆಂಗಳೂರಿನ ಮಲ್ಲೇಶ್ವರದ ಮಹಾರಾಣಿ ಲಕ್ಷ್ಮಿ ಅಮ್ಮಣ್ಣಿ ಮಹಿಳಾ ಕಾಲೇಜಿನ ಆವರಣದಲ್ಲಿ ಆಗಸ್ಟ್ 8 ಮತ್ತು 9 ರಂದು ನಡೆಸಲಾಯಿತು. ಕಾಲೇಜಿನ ಟ್ರಸ್ಟಿ ಗೀತಾ ನಾರಾಯಣನ್ ಮಾತನಾಡಿ, ಎಂ-ಯುಕ್ತಿ–2026ಕ್ಕೆ ದೇಶದ 11 ರಾಜ್ಯಗಳಿಂದ 200ಕ್ಕೂ ಹೆಚ್ಚು ಅರ್ಜಿಗಳು ಬಂದಿದ್ದು, 62 ತಂಡಗಳನ್ನು ಅಂತಿಮ ಸುತ್ತಿಗೆ ಆಯ್ಕೆ ಮಾಡಲಾಗಿದೆ ಎಂದು ತಿಳಿಸಿದರು. ಈ ಸ್ಪರ್ಧೆಯು 'ಮಹಿಳಾ ಮತ್ತು ಮಕ್ಕಳ ಸುರಕ್ಷತೆ ಹಾಗೂ ಸಬಲೀಕರಣ', 'ಪರಿಸರ ಮತ್ತು ಸುಸ್ಥಿರತೆ', ಮತ್ತು 'ಎಲ್ಲರನ್ನೂ ಒಳಗೊಂಡ ತಂತ್ರಜ್ಞಾನ' ಎಂಬ ಮೂರು ಪ್ರಮುಖ ವಿಷಯಗಳನ್ನು ಒಳಗೊಂಡಿದೆ.