ಇಪಿಎಫ್ ವೇತನ ಮಿತಿ ₹15 ಸಾವಿರದಿಂದ ₹25 ಸಾವಿರಕ್ಕೆ ಏರಿಕೆ; ಉದ್ಯೋಗಿಗಳಿಗೆ ಆಗುವ ಪ್ರಯೋಜನಗಳೇನು?

ಉದ್ಯೋಗಿಗಳ ಭವಿಷ್ಯನಿಧಿ ಸಂಘಟನೆಯ (EPFO) ವ್ಯಾಪ್ತಿಗೆ ನೌಕರರನ್ನು ಕಡ್ಡಾಯವಾಗಿ ತರುವುದಕ್ಕೆ ಇದ್ದ ವೇತನ ಮಿತಿಯನ್ನು ₹15 ಸಾವಿರದಿಂದ ₹25 ಸಾವಿರಕ್ಕೆ ಹೆಚ್ಚಿಸಲಾಗಿದೆ. ಬೆಂಗಳೂರಿನ (ಮಲ್ಲೇಶ್ವರಂ) ಆರ್‌ಒದ ಪ್ರಾದೇಶಿಕ ಪಿಎಫ್ ಆಯುಕ್ತ-II ಅನಿಕೇತ್ ಅನಿಲ್ ಅಂಬೇಕರ್ ಮಾತನಾಡಿ, ಪಿಎಫ್ ಕೊಡುಗೆಯಲ್ಲಿನ ಹೆಚ್ಚಳವು ಉದ್ಯೋಗಿಯ ಒಟ್ಟಾರೆ ಆರ್ಥಿಕ ಸ್ಥಿತಿಯ ಮೇಲೆ ಸಕಾರಾತ್ಮಕ ಪರಿಣಾಮ ಬೀರುತ್ತದೆ ಎಂದರು. ಈ ಹೊಂದಾಣಿಕೆಯು ಜೀವನಪೂರ್ತಿ ಭದ್ರತೆಗಾಗಿ ಮಾಡಿಕೊಳ್ಳುವ ಒಂದು ಸಣ್ಣ ಹೊಂದಾಣಿಕೆ ಎಂದು ಅವರು ತಿಳಿಸಿದರು.