ಜೆಪಿ ನಗರದ ಬನ್ನಿ ಮಹಾಕಾಳಿಕಾಂಬ ದೇವಸ್ಥಾನದಲ್ಲಿ 13ನೇ ವರ್ಷದ ಶರನ್ನವರಾತ್ರಿ ಪೂಜೆ ಮತ್ತು ಪುರಾಣ ಪ್ರವಚನ

ಜೆಪಿ ನಗರದ ಬನ್ನಿ ಮಹಾಕಾಳಿಕಾಂಬ ದೇವಸ್ಥಾನದಲ್ಲಿ ಭಾನುವಾರ 13ನೇ ವರ್ಷದ ಶರನ್ನವರಾತ್ರಿ ಪೂಜೆ ಮತ್ತು ಪುರಾಣ ಪ್ರವಚನ ಕಾರ್ಯಕ್ರಮ ನೆರವೇರಿತು. ಕಟ್ಟೆಮನಿ ಹಿರೇಮಠದ ಯೋಗಿರಾಜೇಂದ್ರಶಿವಾಚಾರ್ಯರು ಮತ್ತು ಹಗರಿಬೊಮ್ಮನಹಳ್ಳಿ ಹಾಲಸ್ವಾಮಿ ಮಠದ ಹಾಲಸಿದ್ದೇಶ್ವರ ಸ್ವಾಮೀಜಿಯವರ ನೇತೃತ್ವದಲ್ಲಿ ಕುಂಬ ಹೊತ್ತ ಮಹಿಳೆಯರ ಮೆರವಣಿಗೆ ಸಾಗಿ ಬನ್ನಿ ಮಹಾಕಾಳಿಕಾಂಬ ದೇವಸ್ಥಾನ ತಲುಪಿತು. ಶ್ರೀಗಳ ಆಶೀರ್ವಚನಗಳ ನಂತರ ಮಾನಾಚಾರಿ ಬಡಿಗೇರ, ಗುರುಸಿದ್ಧನಗೌಡ ಮತ್ತು ಎನ್.ಎಂ.ವಾಗೀಶ್ ಅವರು ಪ್ರವಚನ ನಡೆಸಿದರು, ಹಾಗೂ ಲೋಕೇಶ್ ಮತ್ತು ಉಜ್ಜಿನಿ ಸಂತೋಷ್ ಸಂಗೀತ ಕಾರ್ಯಕ್ರಮ ನಡೆಸಿಕೊಟ್ಟರು.