Zoho ಸಂಸ್ಥಾಪಕ ಶ್ರೀಧರ್ ವೆಂಬು ಉದ್ಯೋಗಿಗಳಿಗೆ ಕಠಿಣ ದಿನದ ಸುಳಿವು ನೀಡಿ ವಾರ್ಷಿಕ ವೇತನ ಏರಿಕೆಯನ್ನು ರದ್ದುಗೊಳಿಸಿದರು

ಜೋಹೋ ಸಂಸ್ಥಾಪಕ ಶ್ರೀಧರ್ ವೆಂಬು ಅವರು, ಈ ವರ್ಷ ಉದ್ಯೋಗಿಗಳಿಗೆ ನೀಡಬೇಕಿದ್ದ ವಾರ್ಷಿಕ ವೇತನ ಏರಿಕೆಯನ್ನು ಸಂಪೂರ್ಣವಾಗಿ ತಡೆಹಿಡಿದಿದೆ ಎಂದು ಪ್ರಕಟಿಸಿದ್ದಾರೆ. ಎಐ ತಂತ್ರಜ್ಞಾನಕ್ಕೆ ತಗುಲುತ್ತಿರುವ ತೀವ್ರ ನಿರ್ವಹಣಾ ವೆಚ್ಚಗಳು, ಜಾಗತಿಕ ಭೌಗೋಳಿಕ-ರಾಜಕೀಯ ಉದ್ವಿಗ್ನತೆಗಳು ಹಾಗೂ ಸಾಫ್ಟ್ ವೇರ್ ಮಾರುಕಟ್ಟೆಯ ಅನಿಶ್ಚಿತ ವಾತಾವರಣವೇ ಈ ಕಠಿಣ ನಿರ್ಧಾರಕ್ಕೆ ಮುಖ್ಯ ಕಾರಣ ಎಂದು ಅವರು ತಿಳಿಸಿದ್ದಾರೆ. ಡೇಟಾ ಸೆಂಟರ್‌ಗಳಿಗೆ ಅಗತ್ಯವಾದ ಸರ್ವರ್ ಬೆಲೆಗಳು ಬರೋಬ್ಬರಿ 4 ಪಟ್ಟು ಏರಿಕೆಯಾಗಿದೆ ಎಂದು ಅವರು ತಿಳಿಸಿದ್ದಾರೆ.