ಬೆಂಗಳೂರಿನ ಯುವಕನ ಡೇಟಿಂಗ್ ಆಪ್ ವಂಚನೆ: ಎಐ ವೀಡಿಯೋ ಕಾಲ್ ಮೂಲಕ 1.85 ಲಕ್ಷ ರೂ. ಕಳೆದುಕೊಂಡ ಘಟನೆ

ಬೆಂಗಳೂರಿನ ಬೆಳ್ಳಂದೂರು ವಲಯದಲ್ಲಿ ಯುವಕನೊಬ್ಬನಿಗೆ ನಕಲಿ ವೀಡಿಯೋ ತೋರಿಸಿ ಬೆದರಿಸಿ 1.85 ಲಕ್ಷ ರೂ. ಸುಲಿಗೆ ಮಾಡಿರುವ ಘಟನೆ ಬೆಳಕಿಗೆ ಬಂದಿದೆ. ಸೆಪ್ಟೆಂಬರ್ 27 ರಂದು ಯುವಕನೊಬ್ಬನೊಬ್ಬ ಪ್ರಸಿದ್ಧ ಡೇಟಿಂಗ್ ಆ್ಯಪ್ ಮೂಲಕ ಆರಾಧ್ಯ ಹೆಸರಿನ ಯುವತಿಯೊಬ್ಬಳ ಸಂಪರ್ಕಕ್ಕೆ ಬಂದಿದ್ದನು. ವಾಟ್ಸಾಪ್ ವೀಡಿಯೋ ಕಾಲ್ ಕಟ್ ಆದ ಕೆಲವೇ ಕ್ಷಣಗಳಲ್ಲಿ ವಂಚಕರು ಆರ್ಟಿಫಿಷಿಯಲ್ ಇಂಟೆಲಿಜೆನ್ಸ್ ಬಳಸಿ ಮಾರ್ಫ್ ಮಾಡಲಾದ ಅಶ್ಲೀಲ ವೀಡಿಯೋವನ್ನು ಕಳುಹಿಸಿದ್ದಾರೆ. ಈ ವೀಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಮಾಡುವುದಾಗಿ ಬೆದರಿಸಿ ಯುವಕ ಸ್ನೇಹಿತರಿಂದ ಸೆಪ್ಟೆಂಬರ್ 27 ರಿಂದ 29 ರ ನಡುವೆ ವಿವಿಧ ಯುಪಿಐ ಐಡಿಗಳಿಗೆ ಒಟ್ಟು 1.85 ಲಕ್ಷ ರೂ. ಹಣ ವರ್ಗಾವಣೆ ಮಾಡಿದ್ದಾನೆ.