ಯಶ್ ಅವರ 'ರಾಮಾಯಣ' ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದ ಮಾತುಗಳು ಗಮನ ಸೆಳೆದವು

ಬೆಂಗಳೂರಿನ ಒರಾಯನ್ ಮಾಲ್‌ನಲ್ಲಿ ನಡೆದ 'ರಾಮಾಯಣ' ಸಿನಿಮಾದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದ ವೇಳೆ ನಟ ಯಶ್ ಮಾತನಾಡಿದ್ದಾರೆ. ರಾಮಾಯಣ ಸಿನಿಮಾದಲ್ಲಿ ನಟಿಸಿರುವ ರಣಬೀರ್ ಕಪೂರ್, ಸಾಯಿ ಪಲ್ಲವಿ, ಎ. ಆರ್. ರೆಹಮಾನ್ ಸೇರಿದಂತೆ ಹಲವರ ಬಗ್ಗೆ ಅವರು ಮಾತನಾಡಿದ್ದಾರೆ. ವಿಶೇಷವಾಗಿ, ಪತ್ನಿ ರಾಧಿಕಾ ಪಂಡಿತ್ ಅವರ ಬಗ್ಗೆ ಅವರು ಆಡಿದ ಮಾತುಗಳು ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿವೆ. ಯಶ್ ಅವರು, 'ಸೀತೆ ಇಲ್ಲೇ ಇದ್ದಾರೆ ರಾಧಿಕಾ. ರಾವಣ ಆಗಲಿ, ರಾಯ ಆಗಲಿ, ರಾಕಿ ಆಗಲಿ, ರಾಜಾಹುಲಿ ಆಗಲಿ ಏನೇ ಆದ್ರೂ ಮನೆಗೆ ಬಂದರೆ ನಾನು ರಾಧಿಕಾಪತಿಯೇ' ಎಂದು ಹೇಳುವ ಮೂಲಕ ರಾಧಿಕಾ ಪಂಡಿತ್ ಅವರ ಮೇಲಿನ ಪ್ರೀತಿಯನ್ನು ವ್ಯಕ್ತಪಡಿಸಿದರು. ಅವರು ಕನ್ನಡ ಚಿತ್ರರಂಗದಲ್ಲಿ ಹೊಸ ಪ್ರತಿಭೆಗಳು ಬರಬೇಕು ಮತ್ತು ಚಿಕ್ಕ ಬಜೆಟ್‌ನಲ್ಲಿ ಒಳ್ಳೆಯ ಸಿನಿಮಾಗಳನ್ನು ನಿರ್ದೇಶಕರು ಮಾಡಬೇಕು ಎಂದೂ ತಿಳಿಸಿದರು.