ಬೆಂಗಳೂರು ಚಳಿಗಾಲದ ರೇಸ್‌ಗಳು ಭಾನುವಾರ ಆರಂಭ, ಒಟ್ಟು ಬಹುಮಾನ ₹13.96 ಕೋಟಿ

ನವೆಂಬರ್ 1ರಂದು ಪ್ರಾರಂಭವಾಗಬೇಕಾಗಿದ್ದ 2026–27 ಸಾಲಿನ ಬೆಂಗಳೂರು ಚಳಿಗಾಲದ ರೇಸ್‌ಗಳು ಭಾನುವಾರ (ನ.8) ಪ್ರಾರಂಭವಾಗಲಿವೆ. ಈ ರೇಸ್‌ಗಳಲ್ಲಿ ಶುಕ್ರವಾರ ಮತ್ತು ಭಾನುವಾರ ಹೆಚ್ಚುವರಿ ದಿನಗಳು ಇರುತ್ತವೆ. ಹಲವು ವರ್ಷಗಳಿಂದ ಬೆಂಗಳೂರು ಕುದುರೆ ರೇಸ್‌ಗಳಿಗೆ ಪ್ರಾಯೋಜಕತ್ವ ನೀಡುತ್ತಿರುವ ಜವಾರೇ ಎಸ್. ಪೂನಾವಾಲಾ ಅವರ ಸಹಯೋಗದೊಂದಿಗೆ ಬೆಂಗಳೂರು ಟರ್ಫ್ ಕ್ಲಬ್ (ಬಿಟಿಸಿ) ರೇಸ್‌ಗಳನ್ನು ಆಯೋಜಿಸುತ್ತಿದೆ. ಈ ಬಾರಿಯ ಚಳಿಗಾಲದ 24 ರೇಸ್ ದಿನಗಳಿಗೆ ಒಟ್ಟು ಬಹುಮಾನ ಮೊತ್ತ ₹13.96 ಕೋಟಿ ನಿಗದಿಪಡಿಸಲಾಗಿದೆ. ಪ್ರತಿಷ್ಠಿತ ಚಳಿಗಾಲದ ಡರ್ಬಿ ರೇಸ್‌ಗೆ ₹1.5 ಕೋಟಿ ಬಹುಮಾನ ನೀಡಲಾಗುತ್ತದೆ ಮತ್ತು 1,000 ಗಿನೀಸ್, 2,000 ಗಿನೀಸ್ ಮತ್ತು ಓಕ್ಸ್ ರೇಸ್‌ಗಳಿಗೆ ತಲಾ ₹50 ಲಕ್ಷ ಕನಿಷ್ಠ ಬಹುಮಾನ ನಿಗದಿಪಡಿಸಲಾಗಿದೆ.